KALATIAN 3:5 - Cho Bible Common Language 2016

⁵ Khanpughi naw Mumcha ning yuk m’kyum gui ne, cäi aih gui vai a ning hmuh sak gui cu, thukhän nami läk nak awn ang? Thu Ni ngai ne nami yum nak awn ang?

KALATIAN 3:5 Referans Kwoze

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!

2 KORIN 13:3

Bawi Khrit naw kei awn thu a pyein ah mawng nangmi naw nami ng’yak hlü cu, akcang ah nami gah khai nei. Nang mi awn a om nak ung, ani cu ak tha kä ken sei, a hlüngtai nak cu nangmi am ning m’dang gui ci nei.

LAMKTU 14:3

Ang düihpüi gui cu cun ah kho ah ak shou om u ne, Bawipa ah mawng cu k’thamah nak awn pyein ci gui. Bawipa naw ngahmi-ah pyein ah am geinsei nak ah mawng akcang ah ang dang nak vai ah ngahmi am cäi aih gui vai la ngaih khit gui vai ami bi nak hlawt vai ah hlüngtai nak cu pe gui ci.

2 KORIN 12:12

Kei cu ang düihpüi ah ka kyak ah mawng cu, cäi aih gui vai la cäicat gui vai awn, hniim gei nak awn ka ning m’dang gui ci.

2 KORIN 10:4

Keimi ah kawh ah likhim cu chang ah kawh ah likhim ah kä kyak ci, gaa ah manggaw näng nak ah khanpughi ah hlüngtai nak likhim ah kyak ci.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

2 KORIN 3:8

Mumcha ah hnüntawh nak ah bä mang nak läi cu a i hlawk ah ng’shükhang khai ang!

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

ROMAN 10:17

Cun ah kya sei thu ng’yak nak awn yum nak cu lawk ci, Bawi Khrit ah mawng ng’shäu ne pyein nak ung, thu cu chang naw ng’yak ci.

2 KORIN 9:10

M’shi geit ciam, geit m’shi la ei vai pek ciah Khanpughi naw, nami ng’yak hlü ah m’shi avan cu ning pe gui ne, ng’lih pyo sak khai nei. Nami ng’khailang nak ungka chünla ciah am theihpai cun phi nami hmuk khai nei.

PHILIPPIAN 1:19

Nang mi ah taigü nak la Bawi Jesuh Khrit ah Mumcha ah nam hteihtang nak awn cun cu kei ah phyawn law nak vai ah kyak ci.