KALATIAN 3:27 - Cho Bible Common Language 2016

²⁷ Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

KALATIAN 3:27 Referans Kwoze

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

KOLOSE 3:10

ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

EPHESIAN 4:24

Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

JOB 29:14

Kei cu angtäi sei taga khai a, theing khai ah ka hnüntho ci.

LAMKTU 8:16

A i ah kiah sei ci ung cu hnüüp ung khüt sei, Mumcha Theing cu a u ah khan ah phi kä kyum law phak ciah kyak ci. Ngami cu Bawipa Jesuh ah ming awn tui bäng hnim phak ci gui ah kyak ci.

LAMKTU 9:18

Acun vai am Soul cu ak phlep gui ng’kawk ciah mäih ah amik ung ka, kiah law sei amik cu ci ba ci. Ani cu tho law neh tui ng’hnim ci.

LUKA 15:22

Apa naw, “Akyang ah shui ne suisak akni m’sui m’sak law vä, kutcüp akni m’hnak law vä, phahnak akni ng’cum law sak vä,

1 KORIN 10:2

Ngahmi cu khawmei la tuinu ung Moses ah chang ah ami kyak nak ah tui-hniim ci gui.