KALATIAN 3:26 - Cho Bible Common Language 2016

²⁶ Nangmi cu yum nak awn Bawi Khrit Jesuh ung kawng ät ne Khanpughi ah hta ah nami kyak ci.

KALATIAN 3:26 Referans Kwoze

EPHESIAN 1:5

Khanpughi naw mikmi cu, am’hni nak awn Bawi Khrit ung a hta gui ah mi kyak khai ah a na k’bäi gui pyi ah kyak ci. Cun cu Khanpughi ah ng’bü nak la ang yak hlü ah kyak ci.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

PHILIPPIAN 2:15

Cun ung nangmi cu cheishoh ne katnak bik ci gui ah om nak ah khaw ung Khanpughi ah kümbe ciah hta gui ah kya ne, katnak kä om ne theingthap ciah chang gui ah nami kyak khai.

THU PHLAAN 21:7

Näng ciah chang naw shin ah ng’thukhän cu gah khai, kei cu ani ah Khanpughi ah ka kyak khai, ani cu kei ah htapa ah kyak khai.

EPHESIAN 5:1

Nangmi cu Khanpughi ah hta nau gui ah nami kyak ci, ani ah mäih ah om vai ah nami tha nak vai.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.

JOHAN 1:7

Chang gui naw akdei ami yum hmat tu vai ah, akdei ah mawng pyein khai lawk ci.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

ROMAN 8:19

Khanpughi naw a hta gui am, am dang gui vai ah amawng gui cu, a tüi pyan avan naw ang htei ah ging co ci gui.

2 KORIN 1:1

Khanpughi ah ang yak hlü ah Bawi Khrih Jesuh ah ang düihpüi Paul la anau Timothi naw — Korin ung Khanpughi ah Khrithabum la Achaia kho Khanpughi ah chang gui a van am ca pe lawk ci goi nei.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

KALATIAN 4:14

Kei ka gawpyam nak naw nangmi a ning cüngvawn sak gui ung phi, nangmi naw kei cu kä nami na päipih ci, kä nami na hnu ng’tuk püi ci; Khankhochang ah mäih, Bawi Khrit Jesuh ah mäih ah nangmi naw kei cu nami na dou ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

EPHESIAN 1:1

Khanpughi ah ang yak hlü ah Bawi Jesuh Khrit ah ang düihpüi ah kyak ciah kei Paul naw, Ephesus gawnu ung Khanpughi ah chang gui, bekhüt ciah khritha gui-am ca ning peit law gui nei.

PHILIPPIAN 1:1

Bawi Khrit Jesuh ah changshäm ah kyak ciah Paul la Timohti naw — Philippi gawnu ung Khrithabum uk ci gui la bi püi gui ci gui ni, Bawi Khrit Jesuh ung kawng ät ci gui ah Khanpughi ah chang gui ni am, ca guk law ci goi nei.

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

KOLOSE 1:4

Bawi Khrit ung nami yum nak ah mawng la Khanpughi ah chang avan nami m’hni nak ah mawng cu, kami ng’yak ci nei.

KOLOSE 2:6

Khrit Jesuh cu Bawipa nei, cine nami dou ah a kyak ung ani awn kawng ät ne nami ghin vai.

PHILIMON 1:1

Bawipa Jesuh Khrit ah hmawk ah thawng ung kium ciah kei Paul la mi nau Timothi naw — Kami teihpüi la a täng ah kami bilaw ciah Philimon ni,

PHILIMON 1:9

Cun pang ung phi Bawi Khrit ah ng’shä tüih, ani ah hmawk ah thawng ung ka kium ciah kei Paul naw ka ning m’hni nak ung ng’paa nak awn ka pyein ci nei.