KALATIAN 3:23 - Cho Bible Common Language 2016

²³ Zum nak kä a gawk law pha ung, yum nak ang dang law vai yung khüt sei, thukhän naw üüp ne na khai gui ci.

KALATIAN 3:23 Referans Kwoze

KALATIAN 5:18

Mumcha naw lam a ning m’shüm gui ah a kyak ung nangmi cu thukhän ah kaa ah kä nami om ba ci.

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

ROMAN 11:32

Khanpughi naw hnicim chang avan cu, thu kä läk ciah thawng k’cum ah pyang gui yawp ci. Cun ah abi cu chang ah hta avan am am gein nak am dang nak hlü ah kyak ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

KALATIAN 4:21

Thukhän ah kaa ah om hlük ciah chang gui, ka ning shi gui hlük ci; thukhän ah pyein cu nangmi naw kä nami ng’yak ci ma?

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.