KALATIAN 3:20 - Cho Bible Common Language 2016

²⁰ Cun ung phi chang tumat bäng naw abi ah kya ne, ng’shä kä hlü ba ci: Khanpughi cu tumat bäng ah kyak ci.

KALATIAN 3:20 Referans Kwoze

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.

THULÄÄN NAK 6:4

“Israel gui, shin cu shüm ba vä. Bawipa amät bäng cu mikmi ah Khanpughi nei.

HEBRU 9:15

Cun ah kyasei Khanpughi naw a khü ah chang gui naw, Khanpughi ah a shaitaak ah angtäi m’shumphyuk nak ami gah vai ah, Bawi Khrit naw thukhän thai cu pyang ci. Cun ah abi cu, ak htük ah thukhän ah kaa ah ami om sang ung chang gui ah ami cheishoh nak gui cu, phiawn khai ah, sih nak tumat a om ah hmawk ah kyak ci.

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

JOB 9:33

Cun ung phi ka ning laat ung ng’düi khai a u kä om ci — a u naw kei la Khanpughi cu thu kä na m’chak khai.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

KALATIAN 3:17

Ka pyein hlü cu Khanpughi naw Abraham awn Thukhän bi netah, a cun läk vai ah shaitaak nak a peit ah kyak ci. Khokum phya phli la thum-kip kawn ah ng’dang lawk ciah thukhän naw, cun ah thukhän la Khanpughi ah shaitaak cu kä m’shet hlawt ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

LAMKTU 12:20

Herod cu Tire la Sidon ung om ci gui ah chang gui ah khan ah ang htei ah m’lung she khätah, ngami cu ng’cut u ne ani cu hmuk khai gui ah lawk ci gui. Ak htük bäih ah mang im uk ciah chang Blastus cu hmuh u netah, ani ah m’gein nak gui awn ghangpughang ah hteit u ne dim gei nak htu pyein ci gui. A i ah kya sei ci ung ngami cu Herod ah kho ungka ei auk vai ami gah tu ah hmawk ah kyak ci.