KALATIAN 3:15 - Cho Bible Common Language 2016

¹⁵ Phäi nau gui aw, ak hnüüp tä nami aut ah m’tumtäng nak tumat ka pyein khai; Chang hnih naw ng’thu khän ne ca ani guk ah a kyak ung, cun ah ca cu a u naw phi kä khui ba hning ci, kä k’be ba hning ci.

KALATIAN 3:15 Referans Kwoze

HEBRU 9:17

Sih hnuthu cu guk ciah chang kä a sih phaa ung kä kümbe ci; cun cu asih kawn ah vah kümbe ci.

ROMAN 6:19

(Nang mi cu ng’thu thuuk kä hmat man uk ci sei, chang ah hmat yäi vai ah thu awn ka guk nei.) A yan ä nang mi cu, cheishoh nak a hlü hlü bi nak vai ah shetkat nak ah khlei-htein ah ng’khäm ne nami ng’ap ci. Acun ah mäih ah tuk bäi nangmi cu, theing cim ciah bi bi nak vai ah, ng’düng nak ah kaa ah khlei-htein ah kya ne ng’khäm ne nami ng’ap vai.

ROMAN 3:5

Mikmi ah cheishoh nak naw Khanpughi ah düng nak cu dang sak pi ciah a kyak ung, a i ah mi pyein khai ang! Khanpughi naw mi kat ana m’kat gui cu, Khanpughi cheishoh ciah mi pyein khai ang! (Cun cu chang gui ah thu man düt ah thu ah kyak ci.)

1 KORIN 15:32

Kei cu hnicim chang ah ng’yak hlü düt yum ne Ephesus gawnu ah “kawng khawm” gui awn kami ng’toh vai sü ung, kei naw a i ka cik khai sü ang? Sik ci gui tho ne ghing ba khai gui ah kä ah kyak ung läi “Ngawi ung mi si lawk khai kya sei, ei ne aw ne mi om düt kaw.”

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.

KALATIAN 6:18

Phäi nau gui aw, mi Bawipa Jesuh Khrit ah m’gein nak cu nami khan ah om sä. Amen.

HEBRU 6:13

Khanpughi naw Abraham am shaitaak nak a peit yah ung a shaitaak bä bä ah bik khai ah ng’phyun ci. Cun ung amät ah hlüngtai pi ci a u kä om ci kyasei, amät ah ming awn ng’phyun ne pyein ci.

HEBRU 6:16

Chang tumat cu ang phyun ah a kyak ung, a mät ah hlüngtai pi ciah ming awn ng’phyun ci. Cun ah ng’phyun nak naw ng’cuhvah nak avan cu dim sak ci.

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.