KALATIAN 3:13 - Cho Bible Common Language 2016

¹³ Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

KALATIAN 3:13 Referans Kwoze

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

THULÄÄN NAK 21:23

Cun cu mü lüng ne a cu ah kä nawng vai. A cu hnüüp ung m’cim vai. Aksi ah pumsa k’tung ung bah naw khomdek khan ah Khanpughi ah plah taam nak law püi ci. Aksi ah pumsa cu m’cim vai, cun ung Bawipa nami Khanpughi ah ning pek gui ah khaw cu nangmi naw kä nami lelawi sak khai.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

HEBRU 9:15

Cun ah kyasei Khanpughi naw a khü ah chang gui naw, Khanpughi ah a shaitaak ah angtäi m’shumphyuk nak ami gah vai ah, Bawi Khrit naw thukhän thai cu pyang ci. Cun ah abi cu, ak htük ah thukhän ah kaa ah ami om sang ung chang gui ah ami cheishoh nak gui cu, phiawn khai ah, sih nak tumat a om ah hmawk ah kyak ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

KALATIAN 4:5

Cun cu mikmi Khanpughi ah hta ah mi kyak vai ah, thukhän ah kaa ung kaa, ana k’phiawn gui ah kyak ci.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

1 JOHAN 4:10

M’hni nak cicu mi mi naw Khanpughi mi m’hni nak ah kä kyak ci, Khanpughi naw nam hni gui ne, mi shetkat nak nak phiawn gui khaiah, Ahtapa a yuk m’kyum law cu m’hni nak ah kyak ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

LAMKTU 5:30

Kami pughi guiah Khanpughi naw kutlamtung ung tai ne nami ngawn ah Bawipa Jesuh cu, thawh ba sak pyi ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

2 SAMUEL 18:10

David ah chang tumat naw hmu neta, Joab am m’thein ci “Bawi aw, Absalom cu oak sing ghing ung ng’bat sei ka hmuk ci nei!” cik ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

MATTHE 27:5

Cun kawn ah Judas cu Pum im kyong ah tangka thumkip cu ghawt shüt netah hteit ba ci. Cun kawn ah a hei lam ah hteit netah gui awn ng’awk ne sik ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

2 SAMUEL 21:3

Cun ah kyasei David naw Gibeon chang gui cu khü thäh gui neta, a pyen nak gui cu, “Nang mi ah phäh ah a i ang ka bi hning kaw? Kei naw nangmi ah khan ah katnak ka bi cu ka pyang hlük ci, cun ung nang mi cu Bawipa ah chang ah hriham na mi gah khai” cik ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

ESTA 9:14

Acun ah ami bi vai ah ghangpughang naw ng’thu k’bäi ci. Cun cu Susa mang gaw ung ng’shäu ci gui. Haman ah hta chang gha ah ami gook gui cun phi m’awh ci gui.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

2 SAMUEL 21:9

David naw cun gui cu Gibeon chang gui am ap gui sei, ngami naw Bawipa ah ma ah m’htung ung m’awh gui ci gui — cun ah chih cu a täng ah sik ci gui. Cun ah ami ngawn gui cu kho hting ah ng’pyi law htang m’guh bi ami tün yah ung ah kyak ci.