KALATIAN 3:10 - Cho Bible Common Language 2016

¹⁰ Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

KALATIAN 3:10 Referans Kwoze

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

ROMAN 8:7

Hnicim chang ah ng’yak hlü bäng ngaih-tüh ciah chang cu Khanpughi ah gaa ah kyak ci, ani naw Khanpughi ah thukhän kä läk hlawt ci, akcang ah kä läk hlawt ci.

JEREMIAH 11:3

Cun ung kei, Bawipa, Israel Khanpughi naw thukhän ah a mawng kä ngai ciah chang nü ah khan ah plah tam nak cu ka taik khai nei.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

ROMAN 4:15

Thukhän naw Khanpughi ah m’lung k’she nak cu m’dang ci; cun ung phi thukhän kä a om ung m’shekat nak phi kä om khai kyak ci.

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

EZEKIEL 18:4

Chang nü ah ghin nak cu kei naw ka k’pang ci, nupa gui ghin nak phi ka k’pang cik, hta nau gui ah ghin nak phi ka k’pang ci. Katnak bik ciah Chang cu sik khai ah kyak ci.

THULÄÄN NAK 29:20

Cun ah mäih chang cu Bawipa naw kä mgeinsei ci. Bawipa ah ng’hüüt ciah amlungshe nak naw anu cu hnungtuk püi ne däi ne ui khai. Cun kawn ah shin ah ca-uk ung gak ah leigai avan cu ani ah khan ah ng’kia ne, Bawipa naw ani akbe ah kä am di pha ah chuih om khai.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

ATÜNNAK 4:11

Na ngawn ah na nau ah si awk khai ah a shai m’aan ciah khomdek naw nang cu ning m’kyuk pyi ci nei.

2 KORIN 3:7

Lung ung guk ah thukhän a peit yah ung Khanpughi ah bämang nak cu deikhang ci. Cun ah deikhang nak cu Moses ah hmai ung ang shu law pipi ung phi, ang htei ah ng’shü sei, Israel chang gui naw kheing ne kä teng hkawt ci gui. Sih nak law püi ciah thu khän hngaw, shin ah mäih bämang nak awn a peit ah a kyak ung,

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.