KALATIAN 3:1 - Cho Bible Common Language 2016

¹ Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

KALATIAN 3:1 Referans Kwoze

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

KALATIAN 1:6

Bawi Khrit ah m’gein nak awn nang mi ning khü gui ciah Khanpughi cu, ang ghit ah nawng u ne, ng’Thu Ni a hei nami dou ah hmawk ah ka ning cäi nah gui ci nei.

1 PETER 4:17

M’khoichaa nak ah a khin cu gawk law pyi ci nei, Khanpughi amät ah chang gui cu m’khoichaa nak gah ma khai gui nei. Cun cu mikmi ung a tün ah a kyak ung, Khanpughi ah Thu Ni kä yum ciah chang gui ah khan ah akhüt ung a i cha ah kyak khai ang?

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

HEBRU 11:8

Abraham naw Khanpughi ah khü äi ne ang htukhä nak ah kho ah, düi ne a hteh cu a yum nak awn ah kyak ci. Ani cu a hawi a hteh vai kä hmat pang ne phi amät ah kho cu nawng shüt ci.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

KALATIAN 3:3

Nangmi cu a i ah kyasei shin hlawk ah nami ang-ang! Khanpughi ah Mumcha awn tün law u netah, nami mät ah hlüngtai nak awn nami pleh hlük ci maa?

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

EPHESIAN 5:15

Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

1 TIMOTHI 6:4

kä ng’müi sak ci cu, chang ah ng’shei aih ne a i ng’hlui kä hmat ciah kyak ci. Ani cu ng’vook shan vai, ng’küük neet vai ng’yak hlü ciah kyak ci. Cun naw vamneng nak, cuhcan nak, m’thüikhang nak, shedam nak,

KALATIAN 2:14

Cun ah ngami ah bilawh cu ng’Thu Ni ah ng’düng nak awn kä ah ng’müi law cu, kei naw hmu netah, chang gui ah ma ah, Peter-am, “Nang cu Jew chang ah na kyak ci, cun ung phi chang khui hei ah mäih ah na om ci, Jew chang ah mäih ah kä na om ci. Cun ah kya lang ne a i ah kyasei khui hei chang gui Jew chang gui ah mäih ah ami om tu vai ah na ling nak gui ang?” cine ka ng’shik ci.

1 KORIN 11:26

Nangmi cu shin ah m’htut ei ne, shin ah khap nami awk ung Bawipa a sih ah mawng cu, a kyum law ba ung khüt sei, shäu ne nami pyein ci.

1 KORIN 2:2

Nangmi awn a täng ah ka om yah ung kei cu Bawi Zesuh Khrih ah mawng la kutlam tung ung a sih ah mawng ah kawn ah a i phi avan m’hnih ne nawng shüt vai ah ka k’bäi pyi ci nei.

ROMAN 6:17

Nang mi cu katnak ah khlei-htein ah nami kyak man ung phi, tuk bäi nami gah ah m’theithang nak cu, nami m’lung kyong avan nawn nami läk ah hmawk ah Khanpughi cu kam hlüngtai ci.

ROMAN 2:8

Amät ah bä nak vai bäng teng ne, ng’düng nak cu hnu na ne, shet nak lam ah läk ciah chang gui cu Khanpughi ah m’lung k’she nak hmuk khai gui.

LAMKTU 6:7

Khanpughi ah ng’thu cu pyän law pi k’täi u sei Jerusalem ung yum ciah chang cu da law pi sei, taigü ng’vai gui phi akda naw yum lawk ci gui.

THU PHLAAN 18:3

A i ah kyasei ci ung changpakhui akda naw acun ah gawnu awn ng’yaw ng’pawm nak ah kyak ciah yu cu awktat ci gui nei. Khomdek ah khan ah ghangpughang gui cun phi ani awn ng’yaw ng’pawm ci gui nei. Khomdek ah khan ah sumlei ci gui cun phi acun ah gawnu ah pletbeng nak awn ng’bühmang pyi ci gui nei” cine pyein ci.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

ROMAN 10:16

Cun ung phi Thu Ni cu chang van naw kä dou ci gui. Isaiah amät naw, “Bawipa, Keimi ah thu pyein cu a u naw yum ci ang!” cine pyein ci.

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 7:26

‘Kei ah ng’thu ngai ne ng’ya lang ne, kä läk ciah chang cu bigin ung khui shawk ne im co ciah chang k’ang awn täng ci.

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

KALATIAN 1:2

shi ah kei awn kami om ghawm ciah phäi nau gui naw, Kalatia kho ah khrithabum gui-am ca kami pe lawk ci nei:

KALATIAN 5:11

Phäi nau gui aw, kei naw vun ah nak cu, bi lä vai nei cine, ng’thu ka pyein ciah a kyak ung, a i ah kyasei k’dudeiu nak ka aut vai ang? Cun gui cu akcang ah akyak ung, Bawi Khrit ah kutlam tung ah mawng ka pyein cu, thüigen nak vai kä om khai nei.