KALATIAN 2:9 - Cho Bible Common Language 2016

⁹ Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

KALATIAN 2:9 Referans Kwoze

ROMAN 12:3

Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

KALATIAN 2:2

Cun ah ka hteh cu Khanpughi ah lam shüm nak ah kyak ci. Kei cu ang vai ba gui awn ng’hmu u ne, khui hei chang gui-am kam thei tu gui ah Thu Ni ah mawng cu kam thein gui ci. Kei naw ayan ka bi phi bäi, tuhbäi ka bi phi bäi, a kholä düt ah a kyak vai kä ka ng’ya hlük ci.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

1 TIMOTHI 3:15

Cun ung phi kei cu ka shokshü ei ah a kyak ung, Khanpughi ah kyongkhui ung om ci gui naw, a i ah om ih vai cu nami hmat vai ah, shin ah ca ka guk law ah kyak ci nei. Cun ah kyongkhui cu ghing ciah Khanpughi ah krithabum ah kyak ci, cun ah Krithabum cu thu düng ah a tung ah kyak ci.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

2 KORIN 8:4

Ngahmi naw Judea kho ah Khanpughi ah chang gui cu m’htei tu hlük ci gui, cun ah kya sei keimi ah k’thäh law laih laih ci gui.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

ROMAN 15:15

Cun ung phi shin ah ca ung, amshah a mawng ama gui ah mawng ung nang mi ka ning m’cäi nak gui ung, kei naw Khanpughi ah na peit ah akhin k’ni cu mang ne m’gäi nak awn ka guk nei.

LAMKTU 15:13

Ngah ni naw a ni pyein yawp kawn ah James naw, “Phäi nau gui aw, na ngai tu vä!

LAMKTU 15:7

Ak shou ami pyein kawn ah Peter naw ng’düi law netah, “Phäi nau gui aw, Khanpughi naw kei cu changpakhui hei gui naw ami yum tu vai ah Thu Ni ka pyein khai ah, ayan pui nangmi ungka kei a na ghü cu nami hmat pyi ci,

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

2 GHANGPUGHANG GUI 10:15

Jehu cu tün ne hteit law ba neta lam ung Rechab ah hta Jonadab awn ng’hmuk ci goi. Jehu naw yavaih neta a pyen cu, “Nang la kei ni täng ciah ka ngai ci. Kei na na k’cang nak ci ang?” cik ci. Jonadab naw, “Na kut na pe ä” ci sei ani kut ng’pang ni neta Jehu naw yatha ah khan ah kai tu sak neta, a pyen cu,

LUKA 22:8

Bawipa Jesuh naw, Peter la Johan-am, “Nangmi hteit ne mi ei vai paskha mü ei ana pyang niä” cine tüi goi ci.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

2 KORIN 11:5

Kei cu nangmi naw ak tung ah, angdüihpüi ah nami khü ah chang gui ah mä kä ka ng’neim pi khai nei!

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

KALATIAN 1:16

Cun kawn ah changpakhui hei gui-am A Htapa ah mawng Thu Ni cu kam thein gui khai, kei-am A Htapa cu ana hmu sak ah kyak ci. Cun ah kyasei nam shüm thein tuk khai ah a u phi kä ka ng’shi man ci:

KALATIAN 1:18

Khokum thum a lüng kawn ah kei cu Peter ka hmuk khai ah Jerusalem ah hteit ne, ani awn a täng ah hnüüp gha lei-hma ka om tuk ci.

KALATIAN 2:1

Khokum gha lei-phli lüng khätah kei la Banabas cu Titus khah püi ne, Jerusalem ah kani hteit ba ci.

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.