KALATIAN 2:6 - Cho Bible Common Language 2016

⁶ Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

KALATIAN 2:6 Referans Kwoze

KALATIAN 2:2

Cun ah ka hteh cu Khanpughi ah lam shüm nak ah kyak ci. Kei cu ang vai ba gui awn ng’hmu u ne, khui hei chang gui-am kam thei tu gui ah Thu Ni ah mawng cu kam thein gui ci. Kei naw ayan ka bi phi bäi, tuhbäi ka bi phi bäi, a kholä düt ah a kyak vai kä ka ng’ya hlük ci.

LAMKTU 10:34

Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei.

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

2 KORIN 11:5

Kei cu nangmi naw ak tung ah, angdüihpüi ah nami khü ah chang gui ah mä kä ka ng’neim pi khai nei!

ROMAN 2:11

Khanpughi naw chang nüng nüng cu, kä m’khoi hnga ne, m’khoi m’cha gui khai.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

HEBRU 13:17

Nami ng’vaihta gui ah ng’thu cu ngai u ne ami pyein ah nami om vai nei. Ngami naw ami bi lawh cu Khanpughi-am m’thein ba khai gui kiasei, kä ng’düm phung ne nangmi cu ning m’htei gui ci gui nei. Nangmi mi naw ami ng’thu cu nami ngaih ah a kyak ung ngahmi cu yeikyai ne bilo khai gui nei, Kä nami ngaih ah a kyak ung ngahmi cu thüisei u sei, nangmi ah hmawk ah a i phi a bä nak kä om khai nei.

HEBRU 13:7

Khanpughi ah ng’thu ning m’thein law gui te ciah nami ng’vai gui cu, nami shüm gui vai nei. Ami ghin nak la ami sik nak cu vang ngai ba u netah, ami yum nak cu nami thei leh gui vai nei.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

LUKA 20:21

Ngami naw “Sayapa, na ng’thu la na m’theithang cu hman ciah kami hmat ci. Nang cu chang ah hmai kä teng-en ah Khanpughi ah ng’düng nak ah mawng bäng na pyein ci.

MAKUH 12:14

Cun ah chang gui cu Bawipa Jesuh ah law u netah, “Bawipa, nang naw ng’düng nak awn thu na pyein ci, chang ah ngaih kä nam tung ci, chang ah hmai kä na teng ci, Khanpughi ah ang yak hlü ah ng’düng ciah nam theithang nak cu kami hmat ci nei. Cun ah kyasei Roman ghangpughang-am k’phlam peit vai ang, kä peit vai ang, keimi naw mä kami pek khai ang kä kami pek khai ang? cine phawtcam nak awn ng’shik ci gui.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

LAMKTU 5:36

Ayan hta Shängung Theudas ming nak ciah chang tumat cu amät naw amät chang k’tung khak ah m’hlüng m’tai ne om ci, a hnu ah läk ciah chang phia’phli vai lawk ci. Cun ung phi ani ami ngawn kawn ah ak chang gui püi yawp u sei abi mawng phi maih yawp ci.