KALATIAN 2:20 - Cho Bible Common Language 2016

²⁰ Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

KALATIAN 2:20 Referans Kwoze

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

2 KORIN 5:15

Bawipa cu chang van ah hmawk ah sik ci, cun ah kyasei chang gui cu ami ghin yah ung ami mät ah hmawk ah kä ghing ba u ne, ngahmi ah hmawk ah a hnun gui pe ne, tho ne ghing ba ciah Bawipa ah hmawk ah a mi ghin vai ah kyak ci.

ROMAN 6:8

Mikmi cu Bawi Khrit awn a täng ah mi si pyi ci kya sei, ani awn a täng ah mi ghing khai ah, mi yum ci.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

ROMAN 6:13

Nami pumsa cu a i yah ung phi shetkat nak ah hmawk ah kä nami mang en vai. Cun nak vaisü ung, sih nak ungka ghing ba ciah chang gui ah kya ne, nami pumsa cu Khanpughi am nami ap vai, Düng nak ah a mawng ung a ning mang gui vai ah pumsa la ghin nak avan cu, Khanpughi ung nami ng’ap vai nei.

1 THESSALONIAN 5:10

Ani a kyum law ba hnüüp ung, sih ung phi bäi, ghin ung phi bäi, ani awn a täng ah om vai ah Bawipa cu mikmi ah hmawk ah si pyi ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

KALATIAN 1:4

Mi Pa Khanpughi ah ang yak hlü ah Bawi Khrit cu shin ah shetkat nak ah khin ung na k’phiawn gui khai ah, mi katnak ah hmawk ah ng’ap pyi ci nei.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

ROMAN 8:37

Kä ng’chaa bäng ah kä kyak ciah, acun ah mawng gui avan awn ng’aut law nak ung, mikmi nam hni gui ciah Bawipa naw khüt sei, näng nak cu mi gah ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

KALATIAN 3:11

A u chang phi Thukhän awn Khanpughi ung düng nak kä gah ci, ci cu dang ci, a i ah kyasei ci ung, cacim ung, “Zum nak awn Khanpughi ung düng ciah chang cu, ghing ne om khai.”

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

2 KORIN 13:3

Bawi Khrit naw kei awn thu a pyein ah mawng nangmi naw nami ng’yak hlü cu, akcang ah nami gah khai nei. Nang mi awn a om nak ung, ani cu ak tha kä ken sei, a hlüngtai nak cu nangmi am ning m’dang gui ci nei.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

JOHAN 6:57

Ghing ciah Kapa naw ana tüih law ah kya ne, kei cun phi Kapa awn ka ghing ci. Acun ah mäih ah kei na ei ciah chang cu, kei awn ghing khai.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

JOHAN 15:13

A paw chang ah hmawk ah a ghin nak pe ne m’hni ciah, m’hni nak ah kawn ah, däm pi ciah m’hni nak kä om ba ci.

KALATIAN 2:16

Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

2 KORIN 10:3

Keimi cu khodek khan ah kami om ciah ng’khän ci, cun ung phi khodek khan ah hmawk ah ng’tuk kami bik ciah kä kyak ci.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

2 KORIN 1:24

Nangmi naw a i nami yum vai ah ning k’bäi gui ah kä kyak ci, nangmi ah yum nak cu khäng ciah kami hmat ci. Keimi naw nangmi ah yeikyai nak vai ah nangmi awn a täng ah kami bi ah kyak ci.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

2 KORIN 5:7

Mi ghin nak ung yum nak cu ak tung ah kyak ci, mik awn hmuh nak cu ak tung ah kä kyak ci.

JOHAN 3:35

Apa Khanpughi naw A Htapa cu m’hni aih netah, bämang nak avan cu akut ung ap ci.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

SOLOMON NG’Ä~ 7:10

Kei ah ka m’hni naw na khäm ci, ani naw na ng’ya hlük ci.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

ROMAN 4:25

Khanpughi naw Bawipa Jesuh cu mikmi ah katnak ah hmawk ah sih nak ung gawk sak ci, Khanpughi naw mikmi cu chang düng ah k’bäi ne ana dou gui vai ah hmawk ah sih nak ungka thawh ba sak ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

ROMAN 5:8

Cun ung phi mikmi naw katnak mi bi k’chung ung Bawi Khrit naw mikmi ah hmawk ah si nak awn Khanpughi naw a i hlawk ah anam hni gui cu m’dang ci.

ROMAN 8:10

Nangmi ung Bawi Khrit cu akcang ah om ciah a kyak ung, nami pumsa cu katnak awn sik khai ah a kyak tu pang ung phi. Mumcha naw ning ghin sak gui khai, a i ah kya sei ci ung nang mi cu Khanpughi ung ng’düng nak nami gah pyi ciah a kyak ah hmawk ah kyak ci.

ROMAN 14:7

Mikmi ungka a u chang phi amät ah hmawk bäng ah kä ghing ci, amät ah hmawk bäng ah kä sik ci.

1 KORIN 6:17

Cun ung phi Bawipa ung ng’dou pyi ciah chang cu mümcha awn ani ung pumsa tumat ah kya lawk ci.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

2 KORIN 11:10

Cun ah kei ah khähghah nak cu, Achaia kho avan ung a u naw k’üüp ne kä m’khüt khai cicu kei ung om ciah Bawi Khrih ah ng’düng nak awn shai ka tak ci nei.

PHILIPPIAN 1:21

Ghin nak cicu a i ang! Kei ah hmawk ah, ka ghin nak cu Bawi Khrit ah kyak ci, ka sih nak cu ka bä nak pi ah kyak ci.

HEBRU 8:3

Taigü Tung phung cu Khanpughi am peit vai gui vawihpeh khai ah m’düih ah kyak ci. Cun ah kyasei mikmi ah Taigü Tung cun phi a vawihpeh vai tumat mat om khai ah kyak ci.