KALATIAN 2:19 - Cho Bible Common Language 2016

¹⁹ Thukhän naw kei cu na sih sak ciah kyasei, thukhän ah mawng ung kei cu chang k’si ah ka kyak ci. Cun ung kei cu Khanpughi awn atäng ah sih nak ka gah pyi ci:

KALATIAN 2:19 Referans Kwoze

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

ROMAN 6:2

Cun ah kä kyak ci nei, katnak mi hnu nah pyi ciah chang cu, a i ah kya sei katnak ung mi ng’len ba lä vai ang!

1 THESSALONIAN 5:10

Ani a kyum law ba hnüüp ung, sih ung phi bäi, ghin ung phi bäi, ani awn a täng ah om vai ah Bawipa cu mikmi ah hmawk ah si pyi ci nei.

2 KORIN 5:15

Bawipa cu chang van ah hmawk ah sik ci, cun ah kyasei chang gui cu ami ghin yah ung ami mät ah hmawk ah kä ghing ba u ne, ngahmi ah hmawk ah a hnun gui pe ne, tho ne ghing ba ciah Bawipa ah hmawk ah a mi ghin vai ah kyak ci.

ROMAN 6:11

Acun ah mäih ah nang mi cun phi, sih nak näng ne, katnak nawng shüt ne, Bawi Khrit Jesuh awn, Khanpughi ung lünlawi ne nami om vai.

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

1 PETER 4:6

Cun ah kyasei Thu Ni cu aksi gui ah om nak ah phi pyein ah kiak ci, cun ah aksi gui cu chang van ah mäih ah pumsa awn m’khoichaa nak gah pyi ci gui ah kyak ci; Thu Ni m’thein gui cu Khanpughi ah mäih ah mümcha awn ami ghin vai ah hmawk ah kyak ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

KOLOSE 2:20

Nangmi cu Bawi Khrit ung nami sih nak awn kho ak kaa ah om ciah mumcha ah uknak ungka nami phyawng pyi ci nei. A i ah kya sei khomdek khan cu khäm ne nami om ba hlü ang? A i ah kyasei,

KALATIAN 3:24

Mikmi cu yum nak awn Khanpughi ung düng nak mi gah vai ah thukhän naw, Bawi Khrit a law ba güt ung na ngäng gui ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

KOLOSE 3:3

Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

ROMAN 4:15

Thukhän naw Khanpughi ah m’lung k’she nak cu m’dang ci; cun ung phi thukhän kä a om ung m’shekat nak phi kä om khai kyak ci.

1 KORIN 9:20

Kei cu Jew chang gui ah lung ah ka bi yah ung ngami ami phiawn nak vai ah, Jew chang ah mäih ah ka om tuk ci, Moses ah thukhän phi läk ciah chang ah mäih ah ka om ci. Thukhän ah kaa ah om ci gui k’phyawn nak gui vai ah thukhän ah kaa ah om ciah mäih ah ka om tuk ci.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.