KALATIAN 2:17 - Cho Bible Common Language 2016

¹⁷ Mikmi cu Bawi Khrit ung kawng ät nak awn, Khanpughi ung düng nak gah vai ah k’tha nak ah mawng ung, mi mät phi chang khui hei gui ah mäih ah katnak mi bi cu mi hmuh law ah a kyak ung, Bawi Khrit naw katnak cu na bi sak gui ciah mi pyein khai ang? Cun ah kä kyak ci nei!

KALATIAN 2:17 Referans Kwoze

1 JOHAN 3:5

Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.

KALATIAN 2:15

Keimi cu Jew chang ah kami ng’tüi lawk ci, katnak bik ciah khui hei chang gui ah kä kami kyak ci.

ROMAN 11:7

Cun ah kya sei a i ah pyein vai ang! Israel chang gui naw ami shui cu kä hmuk hlawt ci gui nei. Cun ah ami shui cu Khanpughi ah ghü, chang apihta bäng naw hmu hlawt ci gui nei; k’pawih ba ciah chang gui naw Khanpughi ah ng’khü k’aw cu kä ng’yak ci gui nei.

HEBRU 8:2

Bawipa cu a theingcim nak säih ung Taigü Tung ah kya ne bi bik ci, cun ah hmun cu chang ah cawh ah kä kyak ci, Khanpughi ah pian ah phung akcang ah kyak ci.

KALATIAN 3:21

Cun ung thukhän la Khanpughi ah shaitaak cu hnu ng’tuk ni ne ang? Kä hnu ng’tuk ci goi nei! Chang ah hta naw ghin nak ah thukhän ami gah vai sü ung, acun läk nak awn chang phung cu Khanpughi ung düng nak gah khai sü te.

KALATIAN 2:11

Antiok ung Peter a gawk law yah ung ani ah bilawh cu akcang ah cheishoh ci kyasei, chang gui ah ma ah ani cu m’kat ne ka ng’thu ci.

ROMAN 15:8

Kei naw ka ning m’thein gui cu, Bawi Khrit naw a ghin yah ung khuut abi nak cu, Jew chang gui ah hmawk ah kyak ci. Cun cu khanpughi bä ne ang khän ah mawng am dang nak la pu pa gui am khanpughi naw shaitaak nak a peit gui cu ng’düng ne bä khai ah abi nak ah kyak ci.

ROMAN 3:6

Cun ah kä kyak ci, Khanpughi kä a ng’düng ah a kyak ung, a i chaa khomdek khan cu m’khoichaa hlawt khai ang!

ROMAN 3:4

Cun ah kä kyak ci, chang ah hta van a hleeihlak ung phi Khanpughi cu ng’düng khenggeng ne om ci. Cacim ung, “Thu na pyein cu ng’düng bäbä ne, M’khoichaa nak na aut ung phi näng nak om khai nei,” ciah om ci.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

LUKA 20:16

Ani naw law ne ng’hlawh ci gui avan gawt gui netah, a sapyit lo cu a hei ghüh ba ne bi sak khai nei” cik ci. Chang gui naw cun cu ng’ya u netah, “Cun ah kä kia-en sä” ci ne kyak ci gui.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.