Biblia Todo Logo
Bib sou entènèt

- Piblisite -




KALATIAN 2:16 - Cho Bible Common Language 2016

16 Chang cu Bawi Jesuh Khrit a yum nak bäng awn Khanpughi ung ng’düng nak gah ci, ng’thukän a läk nak awn ah kä kyak ci. Keimi cun phi Bawi Khrit Jesuh yum nak awn, Khanpughi ung düng nak gah vai ah, Bawi Khrit cu kami yum ah kyak ci, thukhän läk nak awn ah kä kyak ci. A u chang phi thukhän läk nak awn Khanpughi ung düng nak kä gah hlawt ci.

Gade chapit la Kopi




KALATIAN 2:16
41 Referans Kwoze  

Bawipa awn kawng ät nak vai ah hmawk ah, a päng avan cu ap ah mäih ah ka hmuk ci. Kei naw thukhän ka mät ah läk nak awn chang düng ah kä ka kya ba ci nei. Kei cu tuhbäi Bawi Khrit ka yum nak awn chang düng ah ka kyak ci, cun ah chang düng ah kyak nak cu Khanpughi ungka law ne, yum nak ung phung ci.


Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.


Kei mi ah pyein hlü cu shin ah kyak ci, Khanpughi ah ma ah ng’düng vai ah kä k’tha nak ciah khui hei chang gui cu, ami yum nak awn Khanpughi ung ng’düng nak gah ci gui.


A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.


Abraham cu amät a bilawh om ih nak awn Khanpughi ung ng’düng ciah a kyak vai sü ung, a ni ung khähghah nak vai om khai sü te; cun ung phi ani cu Khanpughi ah ma ah kä khähghah hlawt ci.


Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.


Hnicim chang ak tha kä om sei, thukhän naw kä a bi peit hlawt cu Khanpughi naw bi pyi ci nei. Khanpughi naw hnicim chang ung om ciah katnak cu m’kat khai ah A Htapa cu yuk m’kyum lawk ci. Ahtapa cu katnak k’täm ne m’di khai ah, hnicim chang ah mäih ah katnak nupuk nah ne ng’tüi lawk ci.


Khanpughi cu tumat bäng om ci, Jew chang gui cu ami yum nak awn amät ung düng sak gui khai; acun ah mäih ah chang khui hei gui cun phi ami yum nak awn amät ung düng sak gui khai.


Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.


Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.


Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.


Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.


Khanpughi ung düng nak cu, thukhän läk nak awn nami shui ah akyak ung, nangmi cu Bawi Khrit awn ng’cha u ne, Khanpughi ah m’gein nak ah ak pung ah nami gawk ciah kyak khai.


Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.


Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.


Khanpughi täng ah ka naw teng ung ng’düng ciah chang ng’ciim ciah chang a u om khai aw?


Cun cu mikmi Khanpughi ah hta ah mi kyak vai ah, thukhän ah kaa ung kaa, ana k’phiawn gui ah kyak ci.


A hma nak om ciah ana tha pyi ah kya ne, a i ah kyasei a kholä ah ka k’tha nak ba vai ang?


Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.


Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.


Mikmi ah hmawk ah phi kyak ci, a i ah kya sei ci ung, Jesuh mi Bawipa sih nak ungka thawh ba sak ciah Khanpughi cu, mi yum nak awn Khanpughi naw chang düng ah na k’bäi gui ne a na dou gui ah hmawk ah kyak ci.


Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.


Swiv nou:

Piblisite


Piblisite