KALATIAN 2:15 - Cho Bible Common Language 2016

¹⁵ Keimi cu Jew chang ah kami ng’tüi lawk ci, katnak bik ciah khui hei chang gui ah kä kami kyak ci.

KALATIAN 2:15 Referans Kwoze

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

ROMAN 3:9

Cun ah a kyak ung mikmi Jew chang gui cu, chang khui hei gui ah mä mi ni kyom nak tuba ah a mawng om ne ang! A i phi mi nikiom nak tuba kä om ci, Jew chang gui la chang khui hei gui avan cu, katnak ah hlüngtai nak kaa ah mi om ah mawng cu kei naw ka pyein pyi ah kyak ci.

PHILIPPIAN 3:4

A i baw düt ngaih u vai a hlü ung cun cu kei ung om ci. Ak pung ah kiomsang nak ngaih u ciah chang a om ah a kyak ung phi, cun ah chang cu kei a om man hlawk ah kä kyak khai nei.

ROMAN 4:16

Cun ah kya sei Abraham ah hta ng’shon gui naw Khanpughi ah shaitaak, a phu kä peit ah ami gah vai cu ngaih gep khai ah, Khanpughi naw Abraham ah yum nak ah khan ah shaitaak nak a peit ah kyak ci. Cun ah shaitaak cu thukhän läk ci gui ah hmawk bäng ah kä kyak ci, Abraham ah mäih ah Khanpughi yum ciah chang gui ah hmawk ah phi kyak ci; a i ah kya sei ci ung Abraham cu mi van ah pa ah akyak ah hmawk ah kyak ci.

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

MATTHE 9:11

Acun gui cu Pharisee gui naw hmuh u netah, “Nami saya cu a i ah kiasei, shin ah changshe gui awn vun vai ne a ei awk tu ang?” ci ne ang düihpüi gui cu ng’shik ci gui.

1 SAMUEL 15:18

ani naw thu k’bäi ne Amalek changshe gui m’di gui vai ah a ning tüih ah kyak ci. Ami van kä na ngawn gui pha ah chuih na tuk gui vai ah a ning m’thein ah kyak ci.

LUKA 24:7

“Chang ah Htapa cu katnak bik ciah chang gui ah kut ung ap khai gui. Kutlamtung ung tai ne ngawn khai gui, cun kawn ah ak hnüüp thum hnüüp ghing ne tho ba khai, cine a pyein cu ngai ba shüm vä,” cine pyen na gui ci.

KALATIAN 2:17

Mikmi cu Bawi Khrit ung kawng ät nak awn, Khanpughi ung düng nak gah vai ah k’tha nak ah mawng ung, mi mät phi chang khui hei gui ah mäih ah katnak mi bi cu mi hmuh law ah a kyak ung, Bawi Khrit naw katnak cu na bi sak gui ciah mi pyein khai ang? Cun ah kä kyak ci nei!