KALATIAN 1:19 - Cho Bible Common Language 2016

¹⁹ Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

KALATIAN 1:19 Referans Kwoze

MATTHE 13:55

Ani cu m’si sheh a hta ah kä kya ne ang? Ani cu Mary ah hta, a nau gui cu James, Josef, Simon la Judas ah kä kya ne ang?

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

MATTHE 12:46

Bawipa Jesuh naw chang gui am theithang gui yah ung, anu la anau gui cu gawk law u neh, ani awn ng’hmuh hlü u netah akpung ah ng’düi ne ak ngäng ci gui.

1 KORIN 9:5

Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

MATTHE 10:3

Philip la Bartolome; Thomas la Matthe akhawn look; Alphaeus ah hta James la Thaddaeus;

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LUKA 6:15

Matthe la Thomas, Alphaeus ah hta James, la apakhui m’hni pi ciah Simon,

MAKUH 3:18

Andru, Philip, Bartholome, Matthe, Thomas, James (Alphaeus ah hta), Thaddaeus, Simon (küi khän nak om ci), la

LAMKTU 1:13

Ngah mi cu pigaw ah gawk u ne tah, ami im kai ah im kyawng ah lut ci gui: cun gui cu, Peter, Johan, James, Andru, Philip, Thomas, Bartholome, Matthe, Alfeas ah hta James, Simon ak ling lah James ah hta Judas gui ah kyak ci.

LUKA 8:20

Chang gui naw, “Na nu la na nau gui naw ning hmu hlü u ne ak pung ah ning ging ci gui nei” cine m’thein lawk ci gui.