JUDE 1:9 - Cho Bible Common Language 2016

⁹ Khan chang gui ah bawi Michaela naw phi shin ah mäih cu kä bik ci, Moses ah pumsa a u naw lak khai ciah mawng Khoshe awn ani ng’cuh nak ung, Michaela naw Khoshe cu kä k’shedam na yäi netah, “Khanpughi naw khän ne ning m’cäi sä” cin kyak nak ci.

JUDE 1:9 Referans Kwoze

ZEKHARIAH 3:2

Bawipa ah khanchang naw Satan am, “Satan, nang cu Bawipa naw ning m’kyuk sä! Jerusalem m’hni ciah Bawipa naw ning m’kyuk sä. Shin ah chang cu mei bum ungka lak ah mei tawn ah mäih ah kyak ci nei” cine kyak nak ci.

2 PETER 2:11

Thuvi saya gui ah tah khüighaat pi ne hlüngtai pi pui ci gui ah khanchang gui hngaw naw Bawipa ah ma ah ngami cu kä päipih guici gui.

THU PHLAAN 12:7

Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

THULÄÄN NAK 34:6

Bawipa naw ani cu Moab khaw nawi ung m’cim ci. Cun cu bethpeor gawnu ah gangdang ung ah kyak ci. Cun ung phi tuhngawi ani ah ng’cim hmun akcang cu, aunaw kä hmat ci.

DANIEL 10:13

Persia uktu ah khanhta ng’piang naw hnüüp m’ku lei ät ung na hnu nak ci nei. Cun kawn ah khanchang gui ungka ang vaipi tumat Michaela naw law ne kei cu na m’htei ci, a i ah kyasei ci ung Persia ung kei cu ka mät hta bäng ka om shüt ciah kyak ci.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

MAKUH 15:29

Lam ung hteit hton ciah chang gui naw Bawipa Jesuh cu m’hai ne dan u netah, “Pum im cu gäi netah hnüüp thum ung co ba khai ah chang can ah maw!

PHYAWN NAK 22:28

“Khanpughi ah mawng akshe ah kä nami pyen vai. Nami chang gui ah bawi ng’vai kä nami plah taam vai.

1 SHONTÄP NAK 12:17

David naw hteit ne hmu gui neta a pyen cu, “Nangmi cu teihpüi ah kya ne kei na bawm khai ah nami lawk ciah a kyak ung, nangmi cu ning dou gui nei. Kei mi ung ng’dawn law vä! Cun ung phi ka ga am kei nami na ap khai ah nami lawk ciah a kyak läi ung, Kei naw nangmi nak khai ah kä ka ning bi gui ung phi, kami pupa gui ah Khanpughi naw ning hmat gui ne, ning m’kyut gui khai nei.”