Biblia Todo Logo
Bib sou entènèt

- Piblisite -




JUDE 1:4 - Cho Bible Common Language 2016

4 A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

Gade chapit la Kopi




JUDE 1:4
32 Referans Kwoze  

cun ung phi amshah gui lä naw bi sak vai ng’ya hlük ci gui. Cun ah chang amshah gui cu, keimi naw Bawipa Jesuh ung kami kawng ät nak awn kami gah ah ng’päiye nak cu na k’tä gui hlü neh keimi ah ng’bum nak ung lut law tuk ci gui ah kyak ci. Ngami naw mikmi cu na khlei htein ah gui hlük ci gui.


pumsa ah ng’yak hlü düt läk ne, Khanpughi ah huham päipih ci gui cu, m’khoichaa nak ah hnüüp ung, m’shetkat gui vai cu Khanpughi naw hmat ci. Cun ah thuvi m’theithang ci gui cu lingkeng ne taäh u ne, bäkhäk ciah khan bawi gui phi a i ah kä sui ne päipih ci gui.


Cun ah kyasei, hleeihlak ciah chang cu a u ang? Bawi Jesuh cu Messiah ah kä kyak ci, cik ciah chang cu hleeihlak ciah kyak ci. Cun ah chang cu Bawi Khrit ah Gaa ah kyak ci — ani cu Apa la A hta ani nik hnih hnu ng’tuk püi ciah kyak ci.


Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.


A hei cacim ung, “Cun ah lung cu chang gui ah m’thuihshawng nak vai la, Chang gui ah ng’vawn ng’täät nak vai ah kyak ci”, ciah om ci. Ngami cu thucim kä yum ci gui ah kya ne, ‘Thuihshawng ci gui, cun cu ngami ah hmawk ah Khanpughi naw am’hnüt ah kyak ci.


Cun ah chang gui ungka amshah gui cu, chang gui ah im ung lut u ne, ami thuvi nak awn, ami shetkat nak ung geinvai u ne, ng’yak hlü nak nüng ah tüihtok nak ung om ciah hnumi gui cu, ami kut ung gawk khai ah cik ci gui nei.


Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.


Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.


Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.


Yeikyai nak om ciah chang ci cu, Chang shekha ah m’shümthein ma na ne, phyawn na ne, Cheishoh ciah chang ah om k’ih kä läk ne, Khanpughi kä yum ci ung kä ng’dawn tuk ciah Chang ah kyak ci.


chang ah hta avan cu m’khoichak khai nei. Hnicim chang avan cu ami cheishoh shetkat nak ah hmawk la Khanpughi kä yum ne shekak ciah chang gui naw, Khanpughi ah kä ng’yak hlü ah ami ngetngawng ng’plahtang ah ng’thu gui ah khan ah Khanpughi naw m’shetkat gui khai nei!


Cacim Theing ung, “Chang k’ni gui hngaw hun nak ami gah vai ah A khak ah a kyak ung, Khanpughi kä hmat ciah chang shekha gui cu, A i ah kyak khai gui ang?” ciah om ci.


Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.


Keimi ungka chang amshah cu, u ah kä m’cäi ä ah, nangmi ah om nak ah law ne, m’lung ah cüngvawn nak vai ah ng’thu pyein ne, nangmi a mi ning yaica sak gui ah mawng cu kami ng’yak ci nei.


Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.


Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.


Khomü ät ung chang van ip yawp khätah, gaa tumat law ne m’ghaw m’shi cu phu shüt netah hteit ba ci.


Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.


Sih nak tui hnawk naw avan ung na kyung ci; Dishum nak tui hnawk ka khan ah long ci nei.


A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.


Mikmi ung khüighaat nak a om ah a kyak ung, Mikmi phi ani ung uknak mi gah tuk khai.


Cun ung phi chang shekha gui ah om ah cheishoh ciah chang k’ni Lot cu phiawn sak ci.


Ngahmi naw, “Ak hnu k’bäih ah khaw hnüüp gui ung ning päipih ciah chang gui, Khanpughi kä shüm hmat ne ami mät ah ng’yak hlü ah om ih ciah chang gui dang lawk khai gui nei” ci ne pyein ci gui.


Swiv nou:

Piblisite


Piblisite