Biblia Todo Logo
Bib sou entènèt

- Piblisite -




JUDE 1:25 - Cho Bible Common Language 2016

25 Jesuh Khrit Bawipa awn na hun k’phyawn gui ciah tumat bäng nak ciah Khanpughi cu cau puyinpamthak ung tüi ne, tuhbäi akhin, ngawi yä hta ng’shon ung, bämang hlüngtai, kuikyang huham ne om sä! Amen.

Gade chapit la Kopi




JUDE 1:25
32 Referans Kwoze  

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.


Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?


Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.


Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.


Bawipa Jesuh Khrit cu yanta, tuhngawi, ngawi yä, käng khukhlat phung ci.


Dämduh ne küikyang cicu mi Bawipa ah kyak ci; Ani ah cüivai nak cu a u naw kä nüt dawng hlawt khai.


Apa Khanpughi ah khuut bi vai ah a uknak khaw ung Taigü ah na m’düih gui ciah Bawipa Jesuh Khrit cu, hta ng’shon ung bämang ne hlüngtai ne om sä! Amen.


Cun cu hlüngtai säih Khanpughi la mi Hunbawipa Jesuh Khrit ah bämang nak ang dang law nak vai ah, mi ngaih u ah yeikyai nak ah hnüüp mi ngäng nak ah kyak ci.


Tumat bäng nak ciah Khanpughi nah ne, a päng avan lunglang hmuhmat ciah Khanpughi cu, Bawipa Jesuh Khrit awn angtäi sei bämang ne om sä! Amen.


Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.


“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”


Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.


Cun ah Khanpughi ah bäkhäk nak cu, khrithabum ung la Bawi Khrit ung a kho phlüt ah ng’shü ne om sä! Amen.


Nangmi Samaritan chang gui naw, a u nami khawihnah kä nami hmat ci, keimi Jew chang gui naw a u kami khawihnah cu kami hmat ci; a i ah kyasei ci ung hun phiawn nak cu Jew chang gui ung kaa, gawk lawk ciah kyak ci.


Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.


Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.


Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.


Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.


Cun ung phi mi Hunbawi Khanpughi ah chihna nak la m’gein nak cu a dang law ah a kyak ung,


kä ami m’guuk-en vai. Cun ah kä kya ne, ami nikiom nak la ami bekhüt nak ah mawng ami dang sak vai. Cun ung vah ngami cu ami bilawh nak phung ung, Hunbawipa Khanpughi ah mawng m’theithang nak cu dang law sak pi khai gui.


Cun cu nik ciah kyasei mi Hunbawi Khanpughi ah am hni ah kya ci.


Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.


Khanpughi naw mikmi am kä ng’vangca ne anam shumphyuk gui ah, am gein nak cu, küikyang aih ci nei.


Bawipa, nang naw akchün akda na tüisho ci! A i hlawk ah cüivai ne na pyan gui ang. Khomdek cu na tüisho awn be ci nei.


Lung tawk sei tui lut law ne long ci, cun cu akcang ah kyak ci; cun ung phi ani naw m’htut mä na pe gui hlawt khai ang? Ak chang gui am meh mä pe gui hlawt khai ang?” cik ci gui.


Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!


Khanpughi Hunbawi hmawk ah ka mümcha yeikyai ci,


Swiv nou:

Piblisite


Piblisite