JUDE 1:24 - Cho Bible Common Language 2016

²⁴ Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

JUDE 1:24 Referans Kwoze

2 TIMOTHI 4:18

Bawipa naw kei cu shetkat nak phung ung nak phiawn ne, amät ah Khan mawpi uknak ah ngaih gep vai ah na hteh püi khai nei. Ani ung bämang nak cu ngawiyä khäng ne om sä! Amen.

EPHESIAN 3:20

Mikmi ah m’lung kyong ung a hlüngtai nak awn bi bik ci naw, mik mi naw mi ngaih-tüh mi ng’yoih thäh ah tah, däm pi sei na pe gui hning ci nei;

KOLOSE 1:22

Cun ung phi A Htapa pumsa awn asih nak awn Khanpughi naw a teihpüi ah ning pyang gui ci, amät ma ah theingciim nak la kümbe nak awn ning hteh püi gui ci.

EPHESIAN 5:27

Krihtabum naw ani ung ang ap law ba ung, ak kyom yüm yüm ah, alelawi, ak shekha kä om sei akümbe athangpai vai ah hmawk ah kiak ci.

2 KORIN 4:14

Bawipa Jesuh thawh ba sak ciah Khanpughi naw, kei mi cun phi Bawipa Jesuh awn a täng ah na thawh ba sak gui ne, nangmi awn a täng ah ama ah na hteh püi gui khai cicu kami hmat ci.

THU PHLAAN 14:5

Ngami cu a i sang ung phi kä hleei ci gui, m’kat nak gui vai a i kä om ci.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

ROMAN 14:4

Nang a u ah kya ne chang hei ah changshäm cu nam khoichaa tu vai ang! Cun ah changshäm naw a bilawh a näng la kä a näng cu, amät ah bawi naw m’khoichak khai nei. Ani cu näng khai nei, a i ah kya sei ci ung Bawipa naw ani cu näng khai ah am htei ah kyak ci.

SAM 21:6

Nang ah hrilham cu ani awn atäng ah angtäi om ci, nang ah hmai awn ani cu yeikyai nak be ci.

JUDE 1:21

Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

KOLOSE 3:4

Akcang ah nami ghin nak cu Bawi Khrit ah kyak ci nei, ani ang dang law ba ung ani awn a täng ah nami dang tu ba khai, abäkhäk nak phi nami gah tuk khai.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

SAM 43:4

O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.

JAMES 2:10

Thukhän tumat m’shet ciah chang cu thukhän avan m’shet ciah kiak ci nei.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

TAIGÜTHUM 14:11

Taigü naw cun ah chang la douthak vai gui cu Bawipa ah om nak ah phung, valuh nak ung law püi khai.