JUDE 1:21 - Cho Bible Common Language 2016

²¹ Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

JUDE 1:21 Referans Kwoze

1 JOHAN 4:16

Khanpughi naw anam hni nak gui cu mi mät naw mi hmat ne mi yum ci. Khanpughi cu m’hni nak ah kyak ci, m’hni nak ung om ci cu Khanpughi ung om ciah kyak ci, Khanpughi phi ani ung om ci.

2 PETER 3:12

Khankho cu mei naw m’khih sei dimaih ne, khankho pumsa a phiäp nak vai ah Khanpughi a hnüüp gawk lawk khai cine, k’tha nah ne nami ngäng yah ung, nami ghin nak cu theing cim sak ne Khanpughi ah nami ng’ap vai nei.

HEBRU 9:28

Acun ah mäih ah Bawi Khrit cun phi, chang gui ah cheishoh nak phiawn khai ah, hnü ät bäng küikyan ne ng’ap ci. Ani cu cheishoh nak nawt täm ba khai ah kä kyak ciah, ngäng ci gui ah chang gui hun gui khai ah ak hnih vei nak ah kyum law ba khai nei.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

2 THESSALONIAN 3:5

Khanpughi ah am hni nak nami hmuhmat law pi vai la Bawi Khrit ah a kyum law nak ba vai m’lung sau awn nami ngäng nak vai ah Bawipa naw nangmi cu lam ning m’shüm gui sä.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

2 TIMOTHI 4:8

Tuhbäi ung Khanpughi ung düng ciah chang gui am ap vai ah näng nak lukhu naw kei cu na ngäng ci nei. Cun cu düng nak awn m’khoichak ciah Bawipa naw, m’khoichaa nak Hnüüp ung kei am na ap khai nei. Kei bäng ah kä kyak ciah, Bawipa a kyum law ba m’hni ne ngäng ciah chang gui phung am, cun na lukhu cu ap gui khai nei.

2 TIMOTHI 1:2

Kam hni ah ka hta Timothi am ca ka ning guk lawk ci nei: Pa Khanpughi la Hunbawi Khrit Jesuh ah m’gein nak, chihnaa nak la dimdeih nak cu nak khan ah om sä.

ROMAN 8:39

m’dek ah khan ah phi kya, m’dek ah kaa ah phi kya, kho ah kaa ung a tüi sho avan naw phi kya; a i naw phi mi Bawipa Jesuh Khrit awn Khanpughi naw ana peit gui ah m’hni nak awn kä nam chaa gui hlawt khai, cicu kei naw akcang ah ka hmat ci nei.

ROMAN 5:21

Kat nak naw sih nak awn a uk ah mäih ah, mi Bawipa Jesuh Khrit ung angtäi ghin nak mi gah vai ah, Khanpughi ah m’geinsei nak naw ng’düng nak awn na uk gui ci.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

1 JOHAN 5:21

Ka hta gui aw, Khanpughi kä akcang cu nami phiawn nak vai a nami om vai nei!

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

JOB 14:14

Chang a sih ah a kyak ung ghing ne law ba hning khai aw? Cun ung phi kei naw a khin akni pi cu ka ngäng khai nei. Shin ah khüikha nak ah akhin ang pyi güt ngäng vai nei

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

JUDE 1:22

Ngaih gep nak kä om ciah chang gui cu nami chimgein gui vai nei;