JUDE 1:17 - Cho Bible Common Language 2016

¹⁷ Teihpüi gui aw, Mi Bawipa Jesuh Khrit ah ang düihpüi gui naw ami ning m’thein m’kan gui cu shüm tu ba vä.

JUDE 1:17 Referans Kwoze

2 PETER 3:2

cau pui profet theing gui ah ng’thu pyein la Hunbawipa naw ang düihpüi gui awn a ning peit gui ah thu khän cu nami shum vai ah ka ng’ya hlük ci nei.

1 JOHAN 4:6

Cun ung phi mikmi läi cu Khanpughi ah chang ah mi kyak ci, Khanpughi hmat ciah chang naw mi ng’thu ngai ci, Khanpughi ah chang ah kä kyak ci naw mikmi ah thu cu kä ngai ci. Cun ah kia sei mikmi naw Mumcha thucim la mümcha she ah bilawh nak cu mi m’khoichaa thei ci.

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

MALAKHI 4:4

“Ka changshäm Moses ah m’theithang cu nami shüm ba vai, cun cu Israel chang avan naw a läk vai ah Kei naw Sinai M’htung ah khan ah ka pek ah thukhän la thumkhän gui ah kyak ci.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.