JUDE 1:13 - Cho Bible Common Language 2016

¹³ Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

JUDE 1:13 Referans Kwoze

2 PETER 2:17

Cun ah chang gui cu tui ket ciah hmawilawng ah mäih, khokhi naw k’phyit ne a yon ah khong mei ah mäih ah kyak ci gui. Khanpughi naw ngami ah hmawk ah ak hmüp nak pi bäih ah hmun cu taak pe gui ci.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

ISAIAH 57:20

Cun ung phi chang shekha gui cu kä ng’dümphung ciah tuinu ah mäih ah kyak ci, awn ah tui hnawk cu kä düm phung ne ng’hlat ne, ng’än la ng’sawp u law püi ci.

SAM 65:7

Nang naw tuinu gaai ne ng’hnawk ci phi na ng’düm sak ci, chang gui ah m’lau ne m’gäi nak phi na dim sak ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.