JUDE 1:12 - Cho Bible Common Language 2016

¹² Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

JUDE 1:12 Referans Kwoze

MATTHE 15:13

Bawipa Jesuh naw, “Khankho Kapa ah geit ah kä kyak ciah a ging phung cu mawi ne ghawh vai nei.

EZEKIEL 34:8

Akcang ah kei cu ghing ciah Khanpughi nei, nangmi naw kei nami na ngaih ung bä pi khai. Ka htome gui cu khisa gui naw tu gui ci gui, ngawn gui ne ei gui ci gui, a i ah kyasei ci ung htomeshäm naw htome a shui ba vai ah kä tha nak ci. Ngami naw ami mät m’htei u ne, htome kä m’htei ci gui.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

NG'THU K'THUUK~ 25:14

Shaitak bi neta kä pe phung ciah chang cu, kho kä aa sak phung ciah khongmei la khokhi ah mäih ah kyak ci.

LUKA 21:34

“Nangmi cu ei awk yeikyai nak düt la khomdek pumsa ah phäh düt ah kä mü thai u ne, geing na ne nami om vai nei.

LUKA 8:6

M’shi amshah cu lung hmu ah kya lawk ci, ng’lih pyou te ci, cun ung phi kä ghing hlawt ne si ba yawp ci.

EZEKIEL 34:10

Kei, uktu Bawipa naw ka m’dang cu, kei cu nami na ga nei, kei naw ka htome cu nang ungka la ne ahei ah ka hteh püi khai, nang cu ngami ah htome shäm ah kä ka ning kyak ba sak phung khai. Nami mät naw nami mät nami m’htei vai ah kä ka ning kyak ba sak gui khai. Kei naw ka htome gui cu nangmi ungka ka gung gui khai, kä ka ning ei ba sak gui khai.

EZEKIEL 34:2

Ani naw pyen ci, “Hnicim chang, Israel gui ah uktu gui cu m’shukcha gui ä. Ngami ah khan ah ng’cängbang ne, kei, uktu Bawipa naw ngami ka pyen nak gui cu m’thein gui ä. Israel gui ah htomeshäm gui, nangmi nami ng’ziin ci nei! Nangmi nami mät naw nami mä m’htei htang u ne htome gui kä nami tengkhen ci.

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

1 TIMOTHI 5:6

Cun ung phi a om shek ciah hmeinu läi cu a ghin ung phi ak si ah kiak ci nei.

LUKA 16:19

Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

MAKUH 4:6

kho ang ling law ung a pya kä khüi ci sei ng’yai ne chawng yawp ci gui.

MATTHE 13:6

Ng’lih pyo pang ne phi, m’dek ng’pam ci kya ne, kho naw a so law ung kä pya hlawt ne si ba yawp ci.

HOSEA 6:4

Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

EZEKIEL 34:18

Nangmi amshah cu khu aknipi ei ne phi kä nami ng’büh ci. Kä nami ei cu nangmi naw nami kai nak ci! Nangmi naw tui akci cu aw u ne, kä nami awk cu nami m’naw sak ci!

EZEKIEL 17:9

“Cun ah kyasei kei uktu Bawipa naw ka ng’shi cu, “shinah Sapyit ghing ne däm hlawt khai ang? Ak htük bäih ah zangzung naw shin cu ang yung ah mawi ne, ak theih gui ci hlit ne, ang ban gui kaih hnet ne ng’yai sak khai ah kä kya ne ang? Shin mawih nak hning vai ah thagui ak da, m’gäi ciah pakhui kä hlü hnga khai nei.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

2 SHONTÄP NAK 7:20

ka ning pek gui ah khaw ungka ka ning k’plon gui khai, kei nami na khawihnah nak vai ah ka ap ah shin ah Taigüim cu ka nawng khai. Khaw nü ung chang gui naw ng’yo m’shaw u ne päipih khai gui.

SAM 37:2

Ngami cu m’ghaw ah chawng ah mäih ah maih ge ne, khu ah sih ah mäih ah si ge khai gui.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

TAIGÜTHUM 14:43

Lung gui ghawt ne, im cu k’tuh ne, hluk ne, pyan ba kawn ah kheilei naw a kawh ba nak ah a kyak ung,

JOB 8:17

Cun ah a pyaa gui naw lung gui ghak ne, Lung k’pou gui nü ung kaai ci gui.