JOSHUA 9:9 - Cho Bible Common Language 2016

⁹ Ngami naw shin ah m’thein ci gui, “Bawi aw, keimi cu khaw shou nak ah kaa kami lawk ci nei, a i ah kyasei ci ung keimi naw Bawipa nami Khanpughi ah mawng cu kami ng’yak ci. Ani naw Egypt khaw ung abi gui ah mawng nünü kami ng’yak ci.

JOSHUA 9:9 Referans Kwoze

JOSHUA 9:24

Ngami naw, “Kami bik khai nei, bawi aw, a i ah kyasei ci ung Bawipa nami Khanpughi naw a changshäm Moses am ang thumkhän ung, khaw avan ning pe gui ci, nami ma ung, acun ung om ciah chang avan ngami ngawn vai ah kyak ci. Shin ah kami bi cu kami ning kyih aih gui ah phäh la kami hnun gui ah kami ng’ä aih ah phäh ah kyak ci.

THULÄÄN NAK 20:15

Cun cu nangmi naw nami om nak vai ah khaw awn ng’shawng ciah mang gaw gui ah ak khan ah nami bi vai ah kyak ci.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

ISAIAH 55:5

Tuhbäi nang naw a khohei pakhui gui cu na k’thäh khai ayan läi ngami naw kä ning hmat man ci gui, cun ung phi tuhbäi ngami cu dawng ne law ne, nangmi ung ng’dawn tuk khai gui! Kei, Bawipa nami Khanpughi, theingcim ciah Israel Khanpughi naw, shin gui avan kya lawk khai ah ka bik khai; kei naw m’tamkhah nak la bäimang nak ka ning pe gui khai.”

SAM 148:13

Bawipa ah ming cu avan naw m’tam u sä! Ani ah ming cu avan ah däm pi ci nei; A bäimang nak cu khomdek la khankho ah khan ung ah khan ungom ci nei.

SAM 83:18

Nang bäng Bawipa ah na kyak la khomdek khan avan ung m’gäi ciah uktu ah na kyak cu hmat tu u sä.

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

1 GHANGPUGHANG GUI 8:41

“A shou nak ah khaw ah om ciah a khaw hei chang naw nang mingthangnak la na chang gui ah phäh ah dämduh ci na bi gui cu ng’ya u neta, nang ning khawihnah vai ah law ne, shin ah Taigüim ung a k’taigü law ung,

KHEI NAK 14:15

Tuhbäi nang naw na chang gui avan na ngawn gui ah a kyak ung, na ng’mingthang ng’yak ciah changpakhui gui naw pyen khai gui,

PHYAWN NAK 15:14

Chang pakhui gui naw ng’ya u ne kyi ne ng’hlet ci gui. Philistin gui cu kyikyawk aih ne cäi ng’ä ci gui.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

LAMKTU 8:7

Khaw she ah kai gui ah chang akda ung ka, khaw she gui cu m’lau ne lut law ne dawng ci gui. Akut khaw shum ciah chang gui phi gai ba ci gui.

KHEI NAK 20:14

Moses naw Kadesh ungka naw Edom ghangpughang ah chang tüi ci. Ngami naw, “Shin cu Israel Pakhui, na mätyah ah thu m’khäh ah kyak ci nei. Keimi naw kami yaica nak ah khüikha nak gui cu nang naw na hmat ci.

JOSHUA 9:10

Jordan ah a kyangtäng ung ghangpughang hnih goi ah a khan ung abi phi kami ng’yak ci. Heshbon ghangpughang Sihon la Bashan ghangpughang Ok, Ashtaroth ungka gui ah kyak ci.

JOSHUA 9:16

Humhchum nak ami bi nak hnüüp thum lüng khäta, shin ah chang gui ang et ung om ci gui ci cu Israel gui naw hmat lawk ci gui.

JOSHUA 9:17

Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.

THULÄÄN NAK 20:11

Ngami cu m’kawt hmawng ne ami ng’paa ah a kyak ung ngami ami van cu nangmi ah changshäm ah kyak khai gui, Nangmi ah phäh ah bii bik khai gui.

SAM 78:12

Egypt khaw, Zoan hmun ung, ami pupa gui ah ma ah Khanpughi naw cäi aih vai gui cu m’dang te ci nei.