JOSHUA 9:8 - Cho Bible Common Language 2016

⁸ Ngami naw Joshua am, “Keimi cu na khuut ung kami om ci nei” cik ci gui.

JOSHUA 9:8 Referans Kwoze

2 GHANGPUGHANG GUI 10:5

Cun ah kyasei mang gaw bawi gui, mang im bawi gui, gaw mah ng’vai gui la m’hteihtang gui ci gui naw Jehu am ng’thu m’khäh lawk ci gui: “Keimi cu na na changshäm gui nei, keimi cu nang ah pyen ah om vai ah kami om ge ci nei. Cun ung phi keimi naw a u phi ghangpughang ah kä kami hmoh khai, na mät akni pi ah na ngaih cu na bi vai nei” cik ci gui.

THULÄÄN NAK 20:11

Ngami cu m’kawt hmawng ne ami ng’paa ah a kyak ung ngami ami van cu nangmi ah changshäm ah kyak khai gui, Nangmi ah phäh ah bii bik khai gui.

JOSHUA 9:11

Kami ng’vai gui la kami khaw ung om ciah chang avan naw, lam ah sho-ei vai m’hnüt ge neta, law ne kami ning hmuh law gui vai ah pyen ci gui. Keimi naw nang ah khuut ung kami bi tu vai la keimi awn hmuhchum nak nami bi vai ah kami ning thäh gui vai na m’cäi gui ci gui.

JOSHUA 9:27

Acun ung ani naw khleihtein ah phi tha gui ci, ngami naw Israel chang gui ah phäh la Bawipa ah sonkyang ah phäh ah sing shui ci gui, tui than ci gui. Tuhngawi ung phi Bawipa naw khawihnah nak vai ah a ghü nak ah hmun ung ngami naw a shin ah bi cu ci lä ci gui.

JOSHUA 9:25

Tuhbäi nami huham kyong ung kami om ci, hman ciah nami ngaih phung cu keimi awn nami bi vai nei” cik ci gui.

JOSHUA 9:23

Shin ah nami bi ah phäh ah Khanpughi naw ning m’kyuk gui ci. Nami chang gui cu angtäi sei khleihtein ah kyak khai gui. Ka Khanpughi ah theingcim hmun ah phäh ah angtäi sei sing lak khai gui, tui than khai gui.

JOSHUA 10:6

Kibeon chang gui naw, Kilkal phung ung om ciah Joshua am ng’thu m’khäh law u ne, “Kä na nawng en gui ä, ang ghit ah law ne na gung law gui ä! Na hun law gui ä! Khawgui khaw ung om ciah Amorit ghangpughang gui ami van ng’dawn u ne, na tu law gui ci gui nei!” cik ci gui.