JOSHUA 9:24 - Cho Bible Common Language 2016

²⁴ Ngami naw, “Kami bik khai nei, bawi aw, a i ah kyasei ci ung Bawipa nami Khanpughi naw a changshäm Moses am ang thumkhän ung, khaw avan ning pe gui ci, nami ma ung, acun ung om ciah chang avan ngami ngawn vai ah kyak ci. Shin ah kami bi cu kami ning kyih aih gui ah phäh la kami hnun gui ah kami ng’ä aih ah phäh ah kyak ci.

JOSHUA 9:24 Referans Kwoze

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

JOB 2:4

Satan naw m’hlan ba ne, “Chang naw ghing ne a om vai ah phäh ah apäng avan chah khai nei.

JOSHUA 9:9

Ngami naw shin ah m’thein ci gui, “Bawi aw, keimi cu khaw shou nak ah kaa kami lawk ci nei, a i ah kyasei ci ung keimi naw Bawipa nami Khanpughi ah mawng cu kami ng’yak ci. Ani naw Egypt khaw ung abi gui ah mawng nünü kami ng’yak ci.

JOSHUA 2:9

a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

JOSHUA 6:21

Mang gaw ung om ciah pami, hnumi, a hmaw ang vai, chang nünü ngawn yawp ci gui. Sei ni, me ni, ng’se la gui phi ngawn yawp ci gui.

JOSHUA 10:2

Jerusalem chang gui cu aktung ah cäicat ci gui, a i ah kyasei ci ung Kibeon cu a hei mang gaw gui ah mäih ah däm ciah kyak ci, acun ung ghangpughang om ci, Ai ah däm pi ci, a chang gui cu ng’tu thei ci gui ah kyak ci.