JOSHUA 9:18 - Cho Bible Common Language 2016

¹⁸ Cun ung phi Israel gui naw kä ngawn gui hlawt ci gui. A i ah kyasei ci ung ngami ah ami ng’vai gui naw ngami ah khan ah Israel Khanpughi Bawipa ah aming ung khäng ciah shaitak ami bi pyi ah kyak ci. Chang gui ami van cu shin ah a mawng ung ami ng’vai gui ah ma ah ng’thu m’da lawk ci gui.

JOSHUA 9:18 Referans Kwoze

SAM 15:4

Ani naw Khanpughi hnu ng’tuk püi cicu päipih ci, cun ung phi Bawipa läk cicu m’tam khah ci, ani cu a shaitak ah mäih ah angtäi sei bik ci, a mät ah chaw a häu ung a i ah kä ngai ci.

THUSHÄUTU 9:2

Hmat ung phi a i kä ng’lak nak ci. Täng ciah buitang nak cu düng ci la omshek ci, nik ci la kyak ci, yum nak om ci la kä om ci, khawihnah douthak ci la kä douthak ci, avan ah khan ah gawk lawk ci. Changni cu katnak bik ciah ta kä bä tuba ci; ng’khäntam ci cun phi kä khäntam ciah ta kä bä tuba ci.

THUSHÄUTU 5:6

Bü ne ka bi ah kä kyak ci nei, ciah Khanughi ah taigü ah ma ah na pyen awng vai ah na mät ah ng’thu naw katnak ung kä ning gawk en püi sä. A i ah kyasei Khanpughi naw aning m’lungshe nak vai ah na bi ang? Nang naw na bi gui cu a i vai na m’dishum sak ang?

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

2 SAMUEL 21:7

Cun ung phi ani la Jonathan naw theing ciah shaitak ani bi om ci kyasei, Saul a tu Jonathan ah hta, Mephibosheth cu David naw k’pawih nak ci.

JOSHUA 9:17

Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.

JOSHUA 9:19

Cun ung phi ngami naw, “Keimi naw ngami awn khäng ciah shaitak cu Israel Khanpughi Bawipa aming ung kami bi pyi ci. Cun ah kyasei kä kami ci gui khai.

KHEI NAK 30:3

Apa ah im ung om lä ciah hnumi hta naw Bawipa am a i baw petak khai ah ang khäntam ah a kyak ung, a i kä pek khai ah a pyen ah a kyak ung,

THULÄÄN NAK 23:22

Bawipa ung shaitak kä bi ung katnak ah kä kyak ci,

THULÄÄN NAK 23:23

cun ung phi nami mät ah m’hni ah shaitak nami bi ah a kyak ung, ng’htei cha khai ah nami pan vai.

THULÄÄN NAK 23:24

“Nang cu chang, tumat ah sapyit lo lam ung na hteh ung, na ei hlü ah sapyit theih avan na ei hning ci, cun ung phi api phi vawh ung m’khäp ne kä na hteh püi vai.