JOSHUA 9:17 - Cho Bible Common Language 2016

¹⁷ Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.

JOSHUA 9:17 Referans Kwoze

1 SHONTÄP NAK 21:29

Bungpuk ah Moses naw a cawh ah Bawipa ah om nak ah phung la khawihnah nak m’khih nak ah sonkiang cu Kibeon gawnu ah khawihnah nak ah hmun ung tuh ä om ci;

1 SAMUEL 7:1

Cun ah kyasei Kiriah Jearim ah chang gui naw Bawipa ah Thukhän M’küm cu la u ne, Abinadab ah im ah tha ci gui, ani cu m’htung khan ah om ci. Ngami naw ani ah hta Eleazar cu acun m’htei khai ah ghü ci gui.

JOSHUA 18:14

Khogii cu vangtäng ung phi, shin ah khomhtung ah akhei täng ungka naw ahtum täng ah ng’hlat ne, Kiriah Baala (Kiriah Jearim) ung hteit ci, cun cu Judah pakhui ah khäm ah kyak ci. Shin cu akhei täng khogii ah kyak ci.

JOSHUA 15:60

Cun kawn ah Kiriath Baala (Käcug Kiriath Jearim) la Rabbah mang gaw hnih lawk ci, ami pei yung ah gawnu gui mah ah kyak ci.

JOSHUA 15:9

Cun ungka naw Nephtoah tuilong ung hteit ne, Ephron m’htung pei mang gaw ung gawk ci. Cun ungka naw Baalah (Kiriath Jearim) täng ah ng’hlat ci.

JOSHUA 10:2

Jerusalem chang gui cu aktung ah cäicat ci gui, a i ah kyasei ci ung Kibeon cu a hei mang gaw gui ah mäih ah däm ciah kyak ci, acun ung ghangpughang om ci, Ai ah däm pi ci, a chang gui cu ng’tu thei ci gui ah kyak ci.

JOSHUA 9:3

Cun ung phi Kibeon chang gui Hivit gui naw, Jerikho la Ai ah khan ah Joshua ah bi cu ng’ya u neta,

JOSHUA 9:9

Ngami naw shin ah m’thein ci gui, “Bawi aw, keimi cu khaw shou nak ah kaa kami lawk ci nei, a i ah kyasei ci ung keimi naw Bawipa nami Khanpughi ah mawng cu kami ng’yak ci. Ani naw Egypt khaw ung abi gui ah mawng nünü kami ng’yak ci.

JOSHUA 9:16

Humhchum nak ami bi nak hnüüp thum lüng khäta, shin ah chang gui ang et ung om ci gui ci cu Israel gui naw hmat lawk ci gui.

JOSHUA 9:18

Cun ung phi Israel gui naw kä ngawn gui hlawt ci gui. A i ah kyasei ci ung ngami ah ami ng’vai gui naw ngami ah khan ah Israel Khanpughi Bawipa ah aming ung khäng ciah shaitak ami bi pyi ah kyak ci. Chang gui ami van cu shin ah a mawng ung ami ng’vai gui ah ma ah ng’thu m’da lawk ci gui.

JOSHUA 18:15

A htum täng ung khogii cu, Kiriah Jearim ah ang kit ung tün ne hteit ne, Nephtoah tuilawng ung gawk ci.

SUKI GUI 18:12

Ngami hang kai u ne, Judah khaw, Kiriath Jearim akhei ung phung tu ne om ci gui. Cun ah kiasei cun ah hmun cu Dan phung ah tü ä güt pyen ci gui.

1 SAMUEL 6:21

Ngami naw Kiriah Jearim chang gui am ng’shä tüih ne ami pyen sak gui ci, “Philistin gui naw Bawipa ah Thukhän M’küm law püi ba ci gui nei, law ne la law vä” cik ci gui.

2 SAMUEL 4:2

Ishbosheth ung a bawi hnih om ci, ngani cu ng’mün ciah parti ung ang vai goi ah kyak ci, ngani cu Rimmon ah hta goi Baanah la Rechab, Beeroth kyong, Benjamin pakhui ah kyak ci goi. (Beeroth cu Benjamin ah ng’pai ah kyak ci.

1 SHONTÄP NAK 2:50

Shin ah aka ungka gui cun phi Kaleb ah htangshon gui ah kyak ci. Hura cu Kaleb ah hta ang vaipi ah kyak ci, ak chu cu Ephrath ah kyak ci. Hura ah hta Shobala naw Kiriath Jearim gawnu k’süm ci.

1 SHONTÄP NAK 2:52

Kiriath Jearim gawnu süm ciah Shobala cu Haroe chang gui la Menuhoth chang a teih ah pupa la,

1 SHONTÄP NAK 2:53

Kiriath Jearim ung om ciah shin ah pahta gui ah pupa ah kyak ci: Ithrit gui, Puthit gui, Shumathit gui la Misrait gui. (Zorah la Eshtaol mang gaw gui ung om ciah chang gui cu a shin ah pahta gui ah kyak ci gui.)

JEREMIAH 26:20

(Cun kawn ah ahei chang tumat om ba ci, ani cu she maiah hta Uriah kiriah Jearim ah ka ah kyak ci, ani naw Jeremiah ah mäih ah shin ah mang gaw la changpakhui cu hnungtuk ne Bawipa ah min gung thu pyen ci.