JOSHUA 9:14 - Cho Bible Common Language 2016

¹⁴ Israel gui naw ami ei amshah cu dou ci gui, cun ung phi Bawipa cu kä ng’shi thäh ci gui.

JOSHUA 9:14 Referans Kwoze

KHEI NAK 27:21

Ani cu taigü Eleazar ung ng’yung khai, ani naw Urim la Thummim mang ne kei ung ng’thei khai. A cu cha ah Eleazar naw Joshua la Israel chang bum avan cu ami mawngma nak avan ung m’shümthei gui khai.”

SUKI GUI 1:1

Joshua asih kawn ah Israel chang gui naw Bawipa cu ng’shi u ne, “A u keimi pakhui naw hteit ma ne Kanaanit gui cu tu gui khai ang?”

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

2 SAMUEL 5:19

David naw Bawipa ng’shi ne, “Philistin gui ka tuk gui vai aw? Näng nak na na pek khai aw?” cik ci. Bawipa naw, “Ä, na tuk gui vai nei, kei naw näng nak ka ning pek khai nei” cik ci.

2 SAMUEL 2:1

Cun kawn ah David naw Bawipa ah ma ah, “Kei naw hteit ne Judah gawnu tumat mat la ne ka k’pan vai ang?” cik ci. Bawipa naw, “Ä” cik ci. David naw, “A hawn ah gawnu ang?” cik ci. Bawipa naw, “Hebron” cik ci.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

1 SAMUEL 22:10

David naw a i abi vai ah mawng cu Ahimelek naw Bawipa ng’shi thäh ci, cun kawn ah David am ei m’bei ne, Philistin Koliath ah khim cu pek ci,” cik ci.

PHYAWN NAK 28:30

Urim la Thummim cu ng’kyangsaphaw ung nami dak vai. Cun ung kei ah theingciim ciah ka om nak ah a law ung, Aaron naw k’bah lawk khai. Akhin päng ung Aaron naw ng’kyangsaphaw cu a sui vai, cun ung ani naw Israel chang gui ah phäh ah kei ah ng’yak hlü cu m’dang hning khai.

JOSHUA 9:13

Sapyit tui kami kei yah ung mehvun cu thai te ci, cun ung phi teng vä, kheei pyi ci nei. Kami sui gui la kami phahnak gui cu lam shou ung kami lawk ci kya ne kheei ci gui nei” cik ci gui.