JOSHUA 9:11 - Cho Bible Common Language 2016

¹¹ Kami ng’vai gui la kami khaw ung om ciah chang avan naw, lam ah sho-ei vai m’hnüt ge neta, law ne kami ning hmuh law gui vai ah pyen ci gui. Keimi naw nang ah khuut ung kami bi tu vai la keimi awn hmuhchum nak nami bi vai ah kami ning thäh gui vai na m’cäi gui ci gui.

JOSHUA 9:11 Referans Kwoze

ESTA 8:17

Mang gaw la khopäng avan ung, ghangpughang ah thu ng’shäu ami phat nak päng ung, ei awk nak la yeikyai nak awn lünlawi ne, ng’chiin nak cu Jew chang gui naw bik ci gui. Ahei chang gui akda naw Jew chang gui cu kyih law gui u ne, Judah gui ah yum nak cu yum law tuk ci gui.

JOSHUA 9:8

Ngami naw Joshua am, “Keimi cu na khuut ung kami om ci nei” cik ci gui.

LUKA 9:3

“Lam ah ei-mang vai a i phi kä nami hteh püi vai; ng’sho htung, awi k’bah, sho-ei, ngui ghui a i phi kä nami hteh püi vai. Sui phi kä nami m’shawih vai.

JOSHUA 1:11

phung pigaw cu phlän ne hteh sak gui neta, chang gui a pyen nak gui cu, “Ei vai m’hnüt ne nami pawg ge vai, a i ah kyasei ci ung hnüüp thum ah kyong ung, nangmi naw Jordan tuinu kat ne, Bawipa nami Khanpughi naw a ning pek gui ah khaw cu nami khäm khai.

ATÜNNAK 43:12

Ngui phi a goi ah nami hteh püi vai, nami ng’ip ung nami law püi ah ngui phi nami hteh püi ba vai, cun cu nami hma ah kya khin ci nei.

JOSHUA 9:10

Jordan ah a kyangtäng ung ghangpughang hnih goi ah a khan ung abi phi kami ng’yak ci. Heshbon ghangpughang Sihon la Bashan ghangpughang Ok, Ashtaroth ungka gui ah kyak ci.

JOSHUA 9:12

Kami m’htut cu teng vä. Nangmi ning hmuh law gui vai ah im ung kami pawng law yah ung, shin cu oh te ci, cun ung phi teng vä, tuhbäi ket na paam ci.

2 GHANGPUGHANG GUI 10:5

Cun ah kyasei mang gaw bawi gui, mang im bawi gui, gaw mah ng’vai gui la m’hteihtang gui ci gui naw Jehu am ng’thu m’khäh lawk ci gui: “Keimi cu na na changshäm gui nei, keimi cu nang ah pyen ah om vai ah kami om ge ci nei. Cun ung phi keimi naw a u phi ghangpughang ah kä kami hmoh khai, na mät akni pi ah na ngaih cu na bi vai nei” cik ci gui.