JOSHUA 9:10 - Cho Bible Common Language 2016

¹⁰ Jordan ah a kyangtäng ung ghangpughang hnih goi ah a khan ung abi phi kami ng’yak ci. Heshbon ghangpughang Sihon la Bashan ghangpughang Ok, Ashtaroth ungka gui ah kyak ci.

JOSHUA 9:10 Referans Kwoze

JOSHUA 12:4

Ngami naw Bashan ghangpughang Ok phi hnim ci gui. Ani cu Rephaim chang ungka ak hnu bäih ah kyak ci. Ani naw Ashtaroth la Edrei cu uk te ci.

THULÄÄN NAK 2:30

Cun ung phi ghangpughang Sihon naw a khaw kä kaan tu sak gui ci. Bawipa nami Khanpughi naw liing sak ci, hnungtuk sak ci, cun ah kyasei ani cu hniim u ne, a khopäng kami lak ci, cun cu keimi naw kami khäm khai.

THULÄÄN NAK 1:4

Cun cu Bawipa naw shin ah ghangpughang gui a hniim gui awn ah kyak ci. Amorit ghangpughang Sihon, ani naw Heshbon gawnu uk te ci. Bashan ghangpughang Og, ani naw Ashtaroth la Edrei uk te ci.

1 SHONTÄP NAK 6:71

Kershon pahta ah kyongchang gui am shin ah gawnu gui cu ami pei yung ah khulim khaw gui mah ah pe gui ci gui: Manasseh ak kiangtäng khopäng: Bashan ung Golan la Ashtaroth.

ATÜNNAK 14:5

A kum gha lei phli nak ung Chedorlaomer cu amät lam ah a chang gui la gakap gui awn law u ne, Ashteroth Karnaim ah kaa Rephaim gui, Ham ah kaa Zuzim gui, Kariathaim hmun ah kaa gui, Emim, la

KHEI NAK 20:14

Moses naw Kadesh ungka naw Edom ghangpughang ah chang tüi ci. Ngami naw, “Shin cu Israel Pakhui, na mätyah ah thu m’khäh ah kyak ci nei. Keimi naw kami yaica nak ah khüikha nak gui cu nang naw na hmat ci.

JOSHUA 2:9

a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

JOSHUA 9:9

Ngami naw shin ah m’thein ci gui, “Bawi aw, keimi cu khaw shou nak ah kaa kami lawk ci nei, a i ah kyasei ci ung keimi naw Bawipa nami Khanpughi ah mawng cu kami ng’yak ci. Ani naw Egypt khaw ung abi gui ah mawng nünü kami ng’yak ci.

JOSHUA 9:11

Kami ng’vai gui la kami khaw ung om ciah chang avan naw, lam ah sho-ei vai m’hnüt ge neta, law ne kami ning hmuh law gui vai ah pyen ci gui. Keimi naw nang ah khuut ung kami bi tu vai la keimi awn hmuhchum nak nami bi vai ah kami ning thäh gui vai na m’cäi gui ci gui.

JOSHUA 13:31

Acun ung Kilead khaw ateih, Bashan khaw, Ok ah uknak ung mang gawnu ah kyak ciah Ashtaroth la Edrei gui k’um ci. Shin gui avan cu Manaseeh ah hta Machir ah ng’shon kyong chang a teih am pek ah kyak ci.

JOSHUA 2:10

Egypt khaw nami hteh taak yah ung, nami ma ah Tuisen tuinu Bawipa naw a kawi sak cu kami ng’yak ci nei. Jordan ah a kiangtäng ung Amorit ghangpughang hnih Sihon la Ok nami ngawn goi cun phi kami ng’yak ci nei.