JOSHUA 9:1 - Cho Bible Common Language 2016

¹ Israel gui ah näng nak cu Jordan tuinu akhei täng ghanpughang gui ami van naw hmat ci gui, khawgui gui, m’htung nawi gui la Mediteranean tuinu kem khaw avan ung a siiptäng Lebanon ung khüt ci; cun gui cu Hittit, Amorit, Kanaanit, Perizzit, Hivit la Jebusit gui ah ghangpughang gui ah kyak ci.

JOSHUA 9:1 Referans Kwoze

KHEI NAK 34:6

“Akhei täng ah khawgi cu Mediteranean tuinu ah kyak ci.

PHYAWN NAK 3:17

Egypt khaw, akshe ah ami ci cun nak gui ungka, ka hteh püi ba gui khai ciah kei naw ka k’bäi pyi ci nei. Kei naw büh mang ne anglei nik ciah khaw-Kanaanit, Hittite, Amorit, Perizzit, Hivit, la Jebusit chang gui ah khaw ah ka hteh püi gui khai.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

PHYAWN NAK 23:23

Kei ah khanchang cu na ma ung hteit neta, Amorit gui, Hittit gui, Perizzit gui, Kanaanit gui, Hivit gui la Jebusit gui ah khaw ah ning hteh püi khai, ngami cu kei naw ka m’di gui khai nei.

JOSHUA 24:11

Nangmi naw Jordan tuinu kat ne, Jerikho ung nami gawk ci. Jerikho chang gui naw ning tu gui ci gui, Amorit, Perizzit, Kanaanit, Hittit, Kirkashit, Hivit, la Jebusit gui naw phi ning tu gui ci gui. Cun ung phi cun gui ami van ah khan ah näng nak ka ning pe gui ci.

JOSHUA 23:4

Kei naw om ba ciah pakhui gui ah khaw phi, nangmi ah pakhui naw nami kaa nak vai ah ka ning pe gui ci, Kei naw ka näng pyi ah pakhui khaw avan phi ka ning pe gui ci, cun cu a kiangtäng ung Jordan tuinu ung khüt ne, akhei täng ung Mediteranean tuinu ung khüt ci.

JOSHUA 22:4

Tuhbäi a shaitak ah mäih ah Bawipa nami Khanpughi naw nami Israel paw gui am ding gei nak pe gui ci. Cun ah kyasei nami kaa nak vai ah klhaw, nami im ung hteit ba vä. Cun cu Bawipa ah changshäm Moses naw a ning pek gui ah Jordan ah a kyangtäng khaw ah kyak ci.

JOSHUA 15:12

Cun cu akhei täng khawgii awn ng’chum ci. Shin ah khawgii kyong ah Judah pakhui kyong chang gui om ci gui.

JOSHUA 13:5

Kebalit gui ah khaw, Lebanon avan ungka naw akiang täng, Baalkad ungka naw, cun cu htumtäng Hermon m’htung ungka naw Hamath hteng ung khüt ci.

JOSHUA 11:17

A htum täng Edom ah pei, Halak m’htung ungka naw hei m’shawng ah khaw, a siiptäng Baalkad ung khüt ci, Hermon m’htung ah ahtum Lebanon khaw nawi ung khüt ci. Joshua cu shin ah khopäng gui ah ghangpughang gui awn ak shou ng’tuk bik ci. Cun ung phi ani naw ami van khäm gui ne sih nak pe gui ci.

JOSHUA 10:23

Cun ah kyasei m’kawt cu hmawng ci gui, Jerusalem, Hebron, Jamuth, Lachish la Eglon ghangpughang gui cu plawk u ne,

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 3:17

Chang gui ng’lei ak hu ung ami hteh yah ung, Bawipa ah Thukhän M’küm kawt ciah taigü gui cu, Jordan tuinu ah ang lung ng’lei hu ung changh avan naw ami hei kah güt ung ng’düi ci gui.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

JOSHUA 1:4

Nami khawgi cu a htumtäng bungpuk ungka naw a siiptäng Lebanon m’htung gui ung khüt khai; a kyangtäng Euphratis tuinu ungka naw Hittit khawbung kaan ne akhei täng Mediteranean tuinu ung khüt khai.

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

THULÄÄN NAK 4:49

Acun ung Jordan tuinu ak kiangtäng avan, a htumtäng ah Tuisi Tuinu yuk pha ne, ak kiangtäng ah Piskah M’htung hneit ung khüt ci.

THULÄÄN NAK 3:25

Jordan tuinu na kah sak ä, Bawipa, vangtäng ung khonglei ni la kyom ciah khaw-gui gui, Lebanon khomhtung gui cu na hmuh sak ä.

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

KHEI NAK 13:29

Khaw ah a htumtäng ah Amalek chang gui om ci gui. Khaw gui täng ah Hittit gui, Jebusit gui la Amorit chang gui om ci gui. Kanaan chang gui cu Mediteranean tuinu pei la Jordan tuinukem yung ah om ci gui.”

JOSHUA 6:27

Cun ah kya ne Bawipa naw Joshua cu om püi sei, ani ah ming cu khawpäng avan ung thang ci.

JOSHUA 9:7

Cun ung phi Israel chang gui naw, “A i ah kyasei nangmi awn hmuhchum nak kami bi vai ang? Nangmi ang et nak ung nami om ciah kyak khai nei” cik ci gui.

THULÄÄN NAK 1:7

shaum pigaw cu phye ne ng’plon vä, Amorit khaw gui la a peileng khaw gui ung hteit vä, Jordan khaw nawi khaw ung la khaw dou gui ung, a htumtäng khaw la, Mediteranean khaw ung hteit vä, Kanaan khaw la Lebanon M’htung gui ung, Euphratis ung khüt ne hteit vä.

2 SAMUEL 24:7

Cun ungka naw a htum lam khäng ciah mang gaw Tire ah hteit ci gui, cun ungka naw Hivit gui la Kanaanit gui ah mang gaw avan ung hteit u ne, ak hnu ah Judah khaw a htum lam Beersheba ung khüt ne hteit ci gui.