JOSHUA 8:35 - Cho Bible Common Language 2016

³⁵ Moses ah thumkhän gui nü cu Joshua naw chang bum van ah ma ah phat ci. Acun ung hnumi gui la a hmaw gui ni, ami ng’lung ah om tuk ciah khuihei chang gui mah ah om ci gui.

JOSHUA 8:35 Referans Kwoze

THULÄÄN NAK 31:12

Pami gui ami van, hnumi gui ami van, ak hmaw hta gui ami van la nami gawnu gui ung om tuk ci gui ah khaw hei chang gui ami van cu a täng ah na khü gui vai, cun ung chang päng naw ng’zak khai, Bawipa nami Khanpughi m’tamkhah nak vai ng’thei khai gui, ani ah m’theithang nak gui cu bekhüt ne läk khai gui.

NEHEMIAH 8:2

Ezra naw cun cu la neta chang gui ami ng’bum nak ah hmun ah — pami, hnumi, a hmaw gui van hmat thei khai ah ng’vai ci phung;

JEREMIAH 26:2

Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

LAMKTU 21:5

Cun ah ngah mi awn kho hnüüp chih kami om tu kawn ah k’täi ne kami hteit ba ci. Zum ciah chang gui cu ami k’chu, ami hta gui ni, ami van naw pigaw k’pung tui kam pei ah khüt ne na tha tu ba gui u sei, tui kam ah kami van m’khuuk doong ne kami taigü ci.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

JOEL 2:16

Chang gui atäng ah bum gui vä; theing ciah ng’ge nak vai ah pawng püi gui vä; aghipa gui law püi gui vä; a hmaw gui bum gui vä nausen gui phi bum gui vä. Ng’chu ng’la thai ci gui phi ami im nawng shüt ne law u sä.

EZRA 10:1

Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

THULÄÄN NAK 29:11

hnumi gui la hmaw hta gui, nami ng’lung ah om tuk ciah khaw hei chang gui, nangmi ah phäh ah sing lak ci gui, tui than ci gui,

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

THULÄÄN NAK 4:2

Kei naw ka ning pek gui ah thukhän cu api phi kä nami khap vai, api phi kä nami khui vai. Kei naw ka ning pek gui ah Bawipa nami Khanpughi ah thumkhän cu nami läk vai.

PHYAWN NAK 12:38

A chang akda gui phi htome, me la sei gui awn a täng ah hteit tuk ci gui.

ZEKHARIAH 8:23

Cun ah hnüüp ung a khawhei chang, chang sing gha cu, Jew chang tumat ah law u neta, “Nang ah bä nak cu kami ng’pai tu hlük ci nei, a i ah kyasei ci ung, ‘Khanpughi cu nang awn atäng ah om ciah kami ng’yak ci nei, cik khai gui’” cik ci.

THULÄÄN NAK 29:9

Shin ah thumkhän ung thu lung gui avan cu, bekhüt ne nami läk vai. Cun ung nangmi cu nami bi nak phung ung nami m’khüt näng khai.

THULÄÄN NAK 29:10

“Tuhngawi nangmi cu Bawipa nami Khanpughi ah om nak ung, nami ng’düi ci. Nangmi nami van, nami ng’vaihta gui la nami bawi gui, nami chang gui,

NEHEMIAH 8:3

cun ah m’kawt ah pei a awng nak ung, khaw thaih ung tün ne khaw hnüüp güt chang gui ah ma ah cun ah thukhän cu phat sei, chang avan naw tügüh ne ngai ci gui.