JOSHUA 8:33 - Cho Bible Common Language 2016

³³ Israel gui la ami ng’vai gui, bawi ui, suki gui la ami ng’lung ah om tuk ciah khuihei chang gui cu, Bawipa ah Thukhän M’küm ah vang goi vei ung, acun kawt ciah Levit taigü gui täng ah mang ne düi ci gui. Ateih naw Keriyim m’htung hnu na ne ng’düi ci gui, ateih naw Ebala m’htung hnu na ne ng’düi ci gui. Bawipa ah changshäm Moses naw shin ah abi vai ah a thumkhän gui ah mäih ah, ngami ah hmawk ah hriham ami dou nak vai ah akhin cu gawk lawk ci.

JOSHUA 8:33 Referans Kwoze

THULÄÄN NAK 11:29

Nangmi naw nami khäm law vai ah khaw ung Bawipa naw a ning hteh püi gui ah a kyak ung, nangmi naw nami ng’shäu vai cu, Kerizim M’htung ungka hriham la Ebala m’htung ungka plah taam ah kyak ci.

THULÄÄN NAK 31:12

Pami gui ami van, hnumi gui ami van, ak hmaw hta gui ami van la nami gawnu gui ung om tuk ci gui ah khaw hei chang gui ami van cu a täng ah na khü gui vai, cun ung chang päng naw ng’zak khai, Bawipa nami Khanpughi m’tamkhah nak vai ng’thei khai gui, ani ah m’theithang nak gui cu bekhüt ne läk khai gui.

THULÄÄN NAK 31:9

Cun ah kyasei Moses naw Khanpughi ah thukhän cu guk ci. Levit taigü gui am pe gui ci. Ngami cu Bawipa ah Thukhän M’küm m’htei ci gui. Israel gui ah ng’vaihta gui ah kyak ci gui.

JOSHUA 24:1

Joshua naw Israel pakhui avan cu Shekhem ung k’bum gui ci. A ni naw Israel gui ah ami gham hta gi, angvai gui, suki gui la bawi gui cu khü gui sei, ngami cu Khanpughi ah om nak ung hteit ci gui.

JOSHUA 4:18

taigü gui tuikam ah ami gawk law kawn ah tuinu cu long ba ne tuikam avan plüm ba ci.

JOSHUA 3:3

Chang gui cu pyen nak ci gui, “Taigü gui naw, Bawipa nami Khanpughi ah Thukhän M’küm ami kawh nami hmuh ah a kyak ung phung gäi neta nami läk gui vai.

THULÄÄN NAK 31:25

Ani naw a pyi kawn ah, Bawipa ah Thukhän M’küm m’htei ci gui ah Levit taigü gui cu pyen ah gui ci,

KHEI NAK 15:29

Ng’leimah Israel a kyak ung phi, omktu khaw hei chang ah a kyak ung phi, kä ngaih-tüh ah katnak bik ciah chang päng ah khan ah täng ciah thungyo cu gawk khai.

KHEI NAK 15:16

Täng ciah thukhän gui la thungyo gui cu nangmi la ngami ah khan ah a täng ah om ci.

PHYAWN NAK 12:49

Israel chang khaw ng’lei mah la nami ng’lung ah om tuk ciah a khaw hei chang ung thungyo cu täng khai” cik ci.

JOSHUA 23:2

Cun ah kyasei ani naw Israel gui ami van a ghi gui, angvai gui, suki gui la ami bawi gui khü gui neta a pyen nak gui cu, “Kei cu ka ghi law aih ci,

JOSHUA 6:6

Joshua naw taigü gui khü gui neta, “Thukhän m’küm nami lak vai, nangmi sing chih cu acun ah ma ung phyungheng gui kawt ne nami hteh vai” cine m’cäi gui ci.

JOSHUA 4:10

Chang gui naw ami bi vai am thein gui vai ah Bawipa naw Joshua am ang thukbäi a päng kä ang pyi pha ah chuih, taigü gui cu Jordan tuinu ah anglung ung düi ci gui. Cun cu Moses naw ang thumkhän ah kyak ci. Chang gui naw ang ghit ah tuinu cu kat ci gui.

JOSHUA 3:14

Cun cu geit khäm khin ah kia ne tui phi däm ci. Chang gui naw Jordan tui kah vai ah phung ami hteh tak yah ung taigü gui cu Thukhän M’küm kawt ne ma ne hteit ci gui. Taigü gui tui ung ami ng’leh vai am,

TAIGÜTHUM 24:22

Shin ah thukhän cu nami van ah phäh ah kyak ci, Israel gui la nami ng’lung ah om tuk ciah khaw hei chang avan, a i ah kyasei ci ung kei cu Bawipa nami na Khanpughi ah ka kyak ci.

JOSHUA 3:6

Cun kawn ah ani naw taigü gui cu Thukhän M’küm kawt ne chang gui ah ma ung ami hteh vai ah pyen na gui sei, a pyen ah mäih ah bik ci gui.

JOHAN 4:20

Keimi Samaritan chang gui naw, shin ah m’htung ung Khanpughi kami khawihnah ci, nangmi Jew chang gui naw, Jerusalem ah Khanpughi nami khawihnah ci” cine pyen nak ci.

KHEI NAK 15:15

Lawk ciah akhin avan ung täng ciah thungyo awn nangmi la nami ng’lung ah om tuk ciah khaw hei chang gui cu ning k’pawn gui nei. Nangmi la ngami cu Bawipa ah ma ah nami täng ci nei.