JOSHUA 8:29 - Cho Bible Common Language 2016

²⁹ Ani naw Ai ghangpughang cu sing ung tai neta, apumsa cu mühun güt ung nawng ci. Khohni a hang kyak yah ung Joshua naw thukbäi ne, cun ah pumsa cu k’plon sak gui ci. Cun cu mang gaw m’kawt luh nak pei ung yuk ghawt ci gui. Ngami naw cun cu lung am kawm nu gui awn pum shi ci gui, cun cu tuhngawi güt om ci.

JOSHUA 8:29 Referans Kwoze

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.

JOSHUA 7:26

Ngami naw ani ah khan ah lung akdäm ah pum ci gui, cun cu tuih güt acun ung om ci. Cun ah klia sei cun ah hmun cu tu ä khükha khaw nawi ah sui ci gui. Cun kawn ah Bawipa cu kä m’lungshe ba ci.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

SAM 110:5

Bawipa cu nak pat lam ah om ci; ani am lungk’she law ung ghangpughang gui cu hnim gui khai.

SAM 107:40

Shedam na gui ci gui cu m’kyuk gui ne, lam kä om ciah bung hmu ah ng’vah sak gui ci.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

JOSHUA 10:33

Keyera ghangpughang Horam law ne Lachish cu kum lawk ci. Cun ung phi Joshua naw a mät la a gakap gui cu hnim gui ci, a u phi kä m’ghin ci.

JOSHUA 10:30

Bawipa naw Israel gui am, shin ah mang gaw la ghangpughang ah khan ah näng nak phi pe gui ci. Ngami naw a u kä phyawn ci gui, cun ah kyong ung om ciah chang nü ngawn ci gui. Jerikho ghanpughang ami ciah mäih ah cun ah ghangpughang phi cik ci gui.

JOHAN 19:31

Jew chang ng’vai gui naw kutlamtung ung ami tai gui ah kho gui cu m’khep u netah, ami gook gui ami lak vai cu, Pilat ah ma ah pyein ci gui. Cun ah ami pyein ah mawng cu, cun nak hnüüp cu ak hmaa hnüüp ah kya sei, a ngawi ung ami kyin vai hnüüp ung, kutlamtung ah khan ah gook kä ah om vai la, cun ah kyin hnüüp cun phi hnüüp theing ah a kyak ah hmawk ah kyak ci.

JOSHUA 12:9

Israel chang gui naw shin ah mang gaw gui ah ghangpughang gui cu hnim ci gui: Jerikho, Ai (Bethela ah pei),

JOSHUA 8:23

Ai ghangpughang bäng ghing ci, ani cu pha u ne Joshua ah law püi ci gui.