JOSHUA 8:21 - Cho Bible Common Language 2016

²¹ Joshua la a chang gui naw vangtäng ah ami akhäm vü la mei ah uih cu hmu u neta, ng’hlat law ba ne khaai gui u ne, Ai chang gui cu ngawn gui ci gui.

JOSHUA 8:21 Referans Kwoze

JOSHUA 8:20

Ai ung chang gui naw va mang ba u neta, khawmik ah khüt ne mei khu sei hmuk ci gui. Ngami ami phyawn nak vai lam kä om ci, a i ah kyasei ci ung ami ma ung ng’kyangtai täng ah dawng ciah Israel gui naw ng’hlat law ba ne khaai ne tu law ba gui ci gui.

JOSHUA 8:22

Mang gaw kyong ah om ciah Israel gui cu dawng law ne ng’tu law tuk ci gui. Cun ah kyasei Ai ung chang gui naw, Israel gui naw khaai ne ami koi gui cu hmuk ci gui. Cun kawn ah ngami naw ami van ngawn gui ci gui. A u kä phyawng ci, a u kä ghing ci.

JOSHUA 10:1

Adonizedek, Jerusalem ghangpughang naw ang yak cu; Joshua naw Jerikho la a ghangpughang a ciah mäih ah, Ai cu tu ne, avan m’di ne, ghangpughang cu ngawn ci. Kibeon gui cu Israel gui awn dimdeeih nak bi u ne, ami ng’lung ah om tuk ci gui” ciah kyak ci.

2 SAMUEL 10:9

Ga gakap gui naw ma täng la hnu täng ung tu lawk khai gui ah ami pawng cu Joab naw hmuk ci, cun ah kyasei ani naw Israel gakap akbä pi gui cu ghü neta Sirian gui ma nak khai ah om sak gui ci.