JOSHUA 8:20 - Cho Bible Common Language 2016

²⁰ Ai ung chang gui naw va mang ba u neta, khawmik ah khüt ne mei khu sei hmuk ci gui. Ngami ami phyawn nak vai lam kä om ci, a i ah kyasei ci ung ami ma ung ng’kyangtai täng ah dawng ciah Israel gui naw ng’hlat law ba ne khaai ne tu law ba gui ci gui.

JOSHUA 8:20 Referans Kwoze

THU PHLAAN 19:3

Leng ba mä ne “Khanpughi cu m’kümto vä, cun ah mang gaw ui ciah meikhu cu angtäi sei khu ci nei” cine m’lau ci gui.

THU PHLAAN 18:9

Ani awn ng’yaw ng’pawm lä mante ciah khomdek khan ung ghangpughang gui naw, ani ui ciah mei ah akhu cu ami hmuh ung kyap ne m’lau khai gui nei.

ISAIAH 34:10

Cun cu amü a hnüüp ui sei, meikhu cu angtäi ah tho khai. Ang shon päng päng ung shin ah khaw ca aka law pi ah kyak khai. A u chang phi shin sun ne kä hteit ba khai.

SAM 76:5

M’gäi ciah ga kap gui ami van naw ami kawh chah yawp u ne, sih thagui la ami m’khüt nak avan cu a kholä ah kyak ci nei.

JOB 11:20

Cun ung phi chang omk’she gui naw kä yei ne ning teng khai gui, phyawn nak vai ah lam kä om ciah hmuk khai gui. Ngami ah ngaih u nak tumat ah kyak ciah sih nak cu gawk lawk khai.

ATÜNNAK 19:28

Ani naw dan neta, Sodom la Komorrah la khaw ng’nawi avan ung meikhu bäng ah ng’lawi ne khu sei hmuk ci.

JOSHUA 8:19

Ani naw a kut a shäng vai am, ng’thup ciah chang gui cu ang ghit ah tho law u ne, mang gaw kyong ah lut ne khäm ci gui. Ngami naw mang gaw cu ang ghit ah mei awn m’khih ci gui.

JOSHUA 8:21

Joshua la a chang gui naw vangtäng ah ami akhäm vü la mei ah uih cu hmu u neta, ng’hlat law ba ne khaai gui u ne, Ai chang gui cu ngawn gui ci gui.

SUKI GUI 20:38

Israel gakap aktung la ng’thup ci gui naw m’hnütnak tumat tha ci gui. Ngami naw gawnu ung ka meikhu nu gui thawk law sei ami hmun ah a kyak ung,

SUKI GUI 20:40

Cun kawn ah ami m’hnüt nak cu dang lawk ci; meikhu ng’mei nu gawnu ung ka tün ne khu lawk ci. Benjaminit gui cu ami hnu täng ah va mang ba u ne, mang gaw avan mei ah däi sei hmu u neta cäicat ci gui.

SUKI GUI 20:41

Israel gui cu ng’hlat law ba ci gui, cun ung Benjamin gui cu, ngami m’di law gui khai gui ah hmat u neta cäicat ci gui.