JOSHUA 8:2 - Cho Bible Common Language 2016

² Nangmi naw Jerikho la a ghangpughang ah khan ah nami bi ah mäih ah Ai la a ghangpughang ah khan ah nami bi vai. Cun ung phi tuhbäi ungläi ami khawh gui la ami vuhchah gui cu nami kaa vai ah nami lak vai. Mang gaw cu a hnu täng ung ma ne ang ghit ah nami tuk vai ah nami pawng vai, ciah kyak ci.

JOSHUA 8:2 Referans Kwoze

THULÄÄN NAK 20:14

Cun ah a kyak ung hnumi gui, hmaw hta gui, vuhchah gui, la mang gaw ung om ci phung cu nami kaa vai ah nami lak vai. Nami ga gui ah ami khawh päng nangmi naw nami mang hning ci. Cun cu Bawipa naw ning pe gui ci.

NG'THU K'THUUK~ 13:22

Changnicu atu a hta am anawng pek shüt vai khawh om ci, Cun ung phi cheishoh ci gui ah khawh cu düng gui ah kut ung gawk khai.

2 SHONTÄP NAK 20:22

Ng’äi ami m’cu law yah ung Bawipa naw tu law gui ciah gakap gui cu püipyang sak gui ci.

JOSHUA 6:21

Mang gaw ung om ciah pami, hnumi, a hmaw ang vai, chang nünü ngawn yawp ci gui. Sei ni, me ni, ng’se la gui phi ngawn yawp ci gui.

JEREMIAH 51:12

Babilonia k’paang tuk vai ah alan cu pe vä. Gaw ngäng ci gui khüighat sak vä! Ng’mah ne ng tuk khai gui tha gui vä!” cik ci. Bawipa naw Babilonia chang gui ah khan ah abi vai a pyen cu bik ci nei.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

NG'THU K'THUUK~ 28:20

Düng ciah chang naw akbe ah yei nak ah ghin nak hmuk ci. Cun ung phi ang ghit ah na mang hlü ung m’kyuk nak na gah khai.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

2 SHONTÄP NAK 13:13

Cun sang ung Jeroboam naw a gakap gui cu, Judean gui ami hnu täng ah ng’mün ne tu gui khai ah tüi gui ci, amshah cu ami ma täng ah om ci gui.

JOSHUA 10:28

Joshua naw Makkedah la cun ung ghangpughang cu, acu hnüüp tu ne khäm ci, mang gaw ung om ci päng ngawn ci, a u kä m’ghin ci. Ani naw Jerikho ghangpughang a ciah mäih ah Makkedah ghangpughang phi cik ci.

JOSHUA 10:1

Adonizedek, Jerusalem ghangpughang naw ang yak cu; Joshua naw Jerikho la a ghangpughang a ciah mäih ah, Ai cu tu ne, avan m’di ne, ghangpughang cu ngawn ci. Kibeon gui cu Israel gui awn dimdeeih nak bi u ne, ami ng’lung ah om tuk ci gui” ciah kyak ci.

JOSHUA 8:24

Israel gui naw ga gui cu kyang täng ung gawt tuba gui u ne, ami van ngawn gui ci gui. Cun kawn ah Ai ah hteit ba ui ne, acu ah phi ami van ngawn gui ci gui.

JOSHUA 8:19

Ani naw a kut a shäng vai am, ng’thup ciah chang gui cu ang ghit ah tho law u ne, mang gaw kyong ah lut ne khäm ci gui. Ngami naw mang gaw cu ang ghit ah mei awn m’khih ci gui.

JOSHUA 8:14

Ai ghangpughang naw Joshua ah chang gui cu hmu gui neta, ang ghit ah hnüntho lawk ci. Ani la a chang gui ami van cu Jordan khaw nawi ayan ami ng’tuk nak ah hmun ung, Israel gui tuk gui vai ah hteit ci gui. Ani naw hnu täng ah ka naw ami tuk law vai cu kä hmat ci.

JOSHUA 8:12

Ani naw gakap phia hmakip la gui neta, mang gaw ah akhei täng Ai la Bethela ah ng’lak, ng’thuh nak ung tha gui ci.

JOSHUA 8:9

Cun ah kiasei Joshua naw tüi gui sei, ngami cu ami ng’thuh nak vai ah hteit ne a cu ah ngäng ci gui. Cun cu Ai ah akhei täng, Ai la Bethela ah ang lak ung ah kyak ci. Joshua cu cun ah mü phung ung om ci.

JOSHUA 8:7

Cun kawn ah nanmi naw nami ng’thuh nak ungka ng’phäi law ne mang gaw cu nami khäm vai. Bawipa nami Khanpughi naw cun ah gaw cu ning pe gui khai.

THULÄÄN NAK 3:2

Cun ung phi Bawipa naw an pyen nak cu, ‘Ani cu kä nami kyih en vai. Kei naw ani ni, a chang gui ni, a khopäng avan cu nang am ka ning pek khai. Heshbon uk ciah Amorit ghangpughang Sihon ah khan ah na bi ah mäih ah na bi vai nei.’

JOSHUA 8:3

Cun ah kyasei Joshua naw a gakap gui avan pawng püi ne, Ai ah hteh vai ah pawng ci. Ani naw a gakap akbäpi phya thumkip ghü neta, mü ung tüi gui ne,

JOSHUA 8:8

Mang gaw nami khäm kawn ah Bawipa ah thumkhän ah mäih ah mei awn nami m’khih vai. Shin gui cu nang ah thukbäi ah kyak ci.

THULÄÄN NAK 2:35

Keimi naw ami vuhchah gui phi la u ne, gawnu gui phi kami guttep gui ci.

JOSHUA 9:3

Cun ung phi Kibeon chang gui Hivit gui naw, Jerikho la Ai ah khan ah Joshua ah bi cu ng’ya u neta,

JOSHUA 11:14

Israel gui naw mang gaw gui ungka a phu küi gui la vuhchah gui cu la u ne, kaa nak ci gui. Cun ung phi chang nü ngawn ci gui, a u kä m’ghin ci gui.