JOSHUA 7:9 - Cho Bible Common Language 2016

⁹ Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

JOSHUA 7:9 Referans Kwoze

PHYAWN NAK 32:12

Na chang gui cu Egypt khaw ah ka k’plawk ba gui ne, k’pawng ne khomhtung ah na ngawn gui, pyi khai ah na m’di gui ciah, a i ah kyasei Egypt chang gui naw ami pyen vai ang? Na m’lungshe cu ng’düm sak ä. Na m’lung thawng sak ä, na chang gui ah khan ah shin ah leigai cu kä chah en ä.

SAM 83:4

Ngami naw, “Law vä, ami pakhui mi m’di gui kaw, cun ung Israel pakhui ngawi ah phi kä om ba khai nei.”

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

THULÄÄN NAK 9:28

Vangtäng ah phi nang naw na chang gui cu na shaitak gui ah khaw ung kä na hteh püi gui hning ciah Egypt chang gui naw pyen khai gui nei. Ngami naw na chang gui cu la gui ne, na ngawn gui vai ah bung ah na hteh püi gui ciah pyen khai gui nei. A i ah kyasei ci ung nang naw ngami cu na thüi na gui ci.

KHEI NAK 14:13

Cun ung phi Moses naw Bawipa am, “Nang naw na huham awn shin ah chang gui cu Egypt khaw ungka na law püi gui ci. Nang naw na chang gui ah khan ah na bi lawh cu Egypt chang gui naw ami ng’yak ah a kyak ung,

JOSHUA 7:8

A i ka pyen ba hning khai aw? O Bawipa, tuhbäi Israel gui cu, ga tuk nak ung ng’hlat law pyi ci gui nei.

JOSHUA 7:10

Bawipa naw Joshua a pyen nak cu, “Tho law ä, a i ah kyasei m’dek ung shikcha ah na ng’yän ang?

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

SAM 48:10

Kho nü ung chang naw ning m’taam ci nei, Na ming theing cu m’dek ah khan avan ung ng’thang ci nei. Nang naw düng nak awn na uk ci;

SAM 79:9

O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.

SAM 83:5

M’lung ngaih täng sei ng’ge u ne, ning hnu ng’tuk püi khai ah ng’cut ne pawng ci gui cu:

SAM 115:1

Nang bäng ung, O Bawipa, Nang bäng ung, keimi ung ah kä kyak ci, Na bämang nak cu om khai nei, a i ah kyasei ci ung ng’täi ciah nam hni nak la na bekhüt ah hmawk ah kyak ci.

MIKHAH 7:10

Mi ga gui naw hmu neta kä yei khai gui. “Nami Bawipa Khanpughi cu a hawi ang?” cine na ng’shi gui ciah mi ga gui naw, a cun gui cu hmu u neta, lü ng’aa khai gui. Ngami cu lam ung ng’nai ah mäih ah kai na gui ne dep gui u sei mi hmu gui khai nei.