JOSHUA 7:6 - Cho Bible Common Language 2016

⁶ Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

JOSHUA 7:6 Referans Kwoze

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

ATÜNNAK 37:34

Jakob cu a sui suut ne, ng’yuu sui sui ne, a hta ah phäh ah thüi kyap ci.

NG’ÄI KYAH 2:10

Jerusalem ung aghi ng’vai gui m’dek ung adüm ah ngok ci gui, Ami lu cu m’vut bäng ah kyak ci. Ami pum ung suishe sui ci gui. Hnumi nong gui naw ami lu awn m’dek ung kawp ci gui.

2 SAMUEL 13:31

Ghangpughang cu düi lawk phäi ne, thüi ne a sui k’teek ne, m’dek ung amät yung phäi ci. Acun ung om ciah ak chang gui naw phi acun ah mäih ah ami sui k’teek ci gui.

KHEI NAK 14:6

Nun ah hta Joshua la Jephunneh ah hta Kaleb sübük hnih cu thüisei ne ani sui k’teek ni neta,

THU PHLAAN 18:19

Ngami cu m’vut kaw ne ami lu khan ah phyang u netah, “Cäicat aih vai, thüi sei aih vai kyak ci nei, hteihpaw k’ta, sumlei chang phung bämang sak ciah mang gaw cu nayi ät hta ah kyong ung di ne maih ci nei” cine kyap ne m’lau ci gui.

LAMKTU 14:14

Cun ah ami pawngpüi cu Paul la Barnabas naw ng’ya ni netah, ani suisak teek ne ghawt ne, chang gui ah lung ah va dawng ni netah,

JOB 2:12

Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

ESTA 4:1

Mordekai naw cun gui avan hmat law neta, a sui gui k’teek ne cäi ng’ä ci. Cun kawn ah suishe sui ne a lu m’vut awn bu ne, kyap ne m’lau ne mang gaw kyong ah hteit shüi shüi ne,

2 SAMUEL 12:16

David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

2 SAMUEL 1:12

Ngami cu thüi kyap u neta, Saul la Jonathan la Israel chang, Bawipa ah chang gui ah phäh ah mühun güt ei hlawi ci gui, a i ah kyasei ci ung, ng’tuk nak ung akda aih ami ngawn gui ah phäh ah kyak ci.

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

SUKI GUI 21:2

Cun ah kyasei Israel chang gui cu Bethel ah hteit u ne, Khanpughi ah ma ah mü hnu güt ung ngok ci gui. Ngami cu m’lau ne akaa ah kyap ci gui:

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

KHEI NAK 16:45

“Shin ah chang gui ah ami hnu ung ng’düi vä, Kei naw a shin ung ka m’di law gui khai.” Ngani ani nik hnih cu m’dek ung hmai na ne kawp ni neta,

KHEI NAK 16:22

Cun ung phi Moses la Aaron naw ani hmai m’dek ung tawn khai ah ng’boop ni neta, “O Khanpughi, nang cu ghin nak avan ah a phung ah na kyak ci, chang tumat akat ung chang bum van ah khan ah na m’lungshe ne ma?” cik ci goi.

JOSHUA 7:7

Cun kawn ah Joshua naw, Uktu Bawipa a i ah kiasei Jordan tuinu kami kah vai ah na na law püi gui ang? Amorit gui ah kut ung na ap gui ä! Na m’di gui ä! Ai ah kiasei keimi Jordan tuinu ah vang ga ah kä kami om ang?

2 SAMUEL 1:11

David naw thüi ne a sui cu k’teek ci, ak chang gui ami van a cun ah kyak ci gui.

2 GHANGPUGHANG GUI 22:11

Ghangpughang naw ca uk a phat cu ng’ya neta, ani naw thüi ne a sui k’teek neta,

2 SHONTÄP NAK 34:19

Ghangpughang naw ca a phat cu ng’ya neta, a sui gui shum ne, thüi neta

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

SUKI GUI 11:35

Ani naw cun ah hnumi hta cu hmu neta, thüi ne, a sui k’teek neta a pyen cu, “Oh, ka hta hnumi! Nang naw ka m’lung msin na na nat sak ci nei! Kei ah m’lung na nat sak cicu a i ah kyasei, nang ah a kyak ang? Kei naw Bawipa ung a küi ah thu ka khan pyi ci nei, kei naw kä ka k’pyai ba hlawt khai nei! cik ci.

2 SAMUEL 1:2

A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

2 SAMUEL 13:19

Tamar cu alu ung m’vut awn bu ne, a suinu k’teek ne, a hmai bawm ne, kyap ne dawng ba ci.

EZRA 10:1

Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

NEHEMIAH 9:1

A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

ESTA 4:3

Khaw päng avan ung ghangpughang ah thu ng’shäu cu hmat u neta, Jew chang gui cu thüikyap ci gui. Ngami cu ei hlawi u ne, kyap ne m’lau ci gui, Akda pi cu suishe sui ne m’vut ung ng’yän ci gui.