JOSHUA 7:5 - Cho Bible Common Language 2016

⁵ Ai chang gui naw gawt law gui u ne, mang gaw m’kawt ungka naw lung ami cawh nak ung khüt law u ne, khawgui yu kyum nak ung thumkip lei chuk ngawn gui ci gui. Israel chang gui cu ami tha maih sei kyikyawk ci gui.

JOSHUA 7:5 Referans Kwoze

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

JOSHUA 2:9

a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

TAIGÜTHUM 26:36

“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

EZEKIEL 21:7

A i ah kyasei na ng’hlaw ei ah ami ning shi law ah a kyak ung, ng’thu gawk law sei nei, cine na m’thei gui vai. Cun a gawk law ung, ngami ah m’lung cu kyih nak awn be khai, ami kut gui cu gung ne ng’bat khai, ami hnawk tha cu kya yawp khai, ami m’khuuk gui cu ng’tum khai. Akhin cu gawk law ci nei, cun cu a shin ung nei.” Uktu Bawipa naw a pyen nei.

ISAIAH 13:7

Chang pang ah kut cu hnaam yawp ne, chang pang ah tha yung kyak ci nei.

SAM 22:14

Kei ah ka thagui cu maih ci nei, m’dek ung cüp ciah tui ah mäih ah ng’phiüi ci. Ka guh gui avan cu ka ng’htak ba ci nei, Kam lungsin cu khoi chap ah maih ah pyawn ci nei.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

THULÄÄN NAK 1:44

Cun ah khaw-gui ung om ciah Amorit chang gui naw khoi ah mäih ah ng’hlom ne law ne, ning hnungtuk püi gui ci gui. Ngami naw Hormah güt ung ning gawt gui u ne, Edom khaw-gui ung ning hnim gui ci gui.

SAM 58:7

Ngami cu tui akawi ah mäih ah maih u sä; Ngami cu lam ung m’ghaw ah mäih ah güüt gui u sä.