JOSHUA 7:26 - Cho Bible Common Language 2016

²⁶ Ngami naw ani ah khan ah lung akdäm ah pum ci gui, cun cu tuih güt acun ung om ci. Cun ah klia sei cun ah hmun cu tu ä khükha khaw nawi ah sui ci gui. Cun kawn ah Bawipa cu kä m’lungshe ba ci.

JOSHUA 7:26 Referans Kwoze

HOSEA 2:15

Ani ah sapyit vong phi kei naw pe ba ne, yaica nak ah khongnawi phi ngaih u nak ah ka pyan pek khai. Ani naw acu ah na m’shang khai, ayanä ah mäih ah ani a hmaw yah, Egypt ah kaa a law ba yah ung,

ISAIAH 65:10

Ngami naw kei cu na khawihnah khai gui, ngami naw ami htome gui la ami seipat gui cu akhei täng ung sharon dou ung, ak kyang täng ung khüikha khong nawi ung ami lum vai ah lam shüm khai gui.

THULÄÄN NAK 13:17

Dishum khai ah m’kat pyi cu nami mät naw kä nami pan en vai. Cun ung Bawipa naw amlung so nak ungka ning hlah ta gui ne, chimgein nak ning m’dang gui khai. Ani naw nangmi ning chimgein gui khai, nami pupa gui ung a shaitak ah mäih ah chang khli ah ning pyang gui khai.

NG’ÄI KYAH 3:53

Ngami naw kei cu ak ghing ah khui ung na yuk chah u ne, m’kawt cu lung awn yuk khai ci gui.

2 SAMUEL 18:17

Ngami naw Absalom ah pum cu la u neta, bung hmu ah ak thuk ah khui ci ung yuk chak ci gui, ak khan ah lung gui akawm awn adäm ah yuk pum shi ci gui. Israel chang gui ami van cu ami im phäh phäh ah dawng ba ci gui.

JOSHUA 8:29

Ani naw Ai ghangpughang cu sing ung tai neta, apumsa cu mühun güt ung nawng ci. Khohni a hang kyak yah ung Joshua naw thukbäi ne, cun ah pumsa cu k’plon sak gui ci. Cun cu mang gaw m’kawt luh nak pei ung yuk ghawt ci gui. Ngami naw cun cu lung am kawm nu gui awn pum shi ci gui, cun cu tuhngawi güt om ci.

JOSHUA 7:24

Joshua la Israel chang gui am van naw, Achan ni, ngui ni, ghui ni, suinu ni cu la u neta, Achan ah a hta pami, a hta hnumi gui, a sei gui, a me gui, ang sela gui la a phung im mah ah ani ah khawh phung avan la u ne, khüikha khaw nawi ah hteh püi ci gui.

ZEKHARIAH 6:8

Cun kawn ah khanchang naw kei ah ma ah m’lau ne a pyen cu, “A siiptäng Babilonia khaw ah hteit ciah ng’se gui naw, Bawipa ah m’lungshe nak cu dim sak ci gui nei” cik ci.

JOEL 2:18

Cun kawn ah Bawipa naw a khonglei am htei nak m’dang ne; a chang gui chimgein gui ci.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

ISAIAH 40:2

Jerusalem chang gui k’thamah nak pe gui ä. M’thein gui ä, ami yaica nak cu shou lawk ci nei, tuhbäi ngami ah natnak cu m’geinsei pyi nei. Ngami ami katnak avan ah phäh ah akbe ah ka m’kyuk gui pyi ci nei.”

2 SAMUEL 21:14

Saul la Jonathan ah guh gui cu, Benjamin khaw, Zela pigaw, Saul ah pa Kish ah phuh hmun ung phuh ci gui, cun gui avan bi vai cu ghangpughang naw ak bäi gui ah kyak ci. Cun kawn ah, ami khaw ah phäh ah ami taigü cu Khanpughi naw m’shang gui ci.

JOSHUA 10:27

Khohni a hang kyak yah ung Joshua naw thukbäi gui sei, ami pumsa gui cu chang ba u ne, ami ng’thuh nak te ah khui ung ghawn gui ci gui. Khui ung valuh nak cu lung ang kawm nu gui awn plu shi ci gui, cun gui cu acun ung om lä ci gui.

PHYAWN NAK 32:12

Na chang gui cu Egypt khaw ah ka k’plawk ba gui ne, k’pawng ne khomhtung ah na ngawn gui, pyi khai ah na m’di gui ciah, a i ah kyasei Egypt chang gui naw ami pyen vai ang? Na m’lungshe cu ng’düm sak ä. Na m’lung thawng sak ä, na chang gui ah khan ah shin ah leigai cu kä chah en ä.

KHEI NAK 25:8

shaum kyong ah pami la hnumi cu läk law goi neta, ani nik hnih htei awn vawi goi ci. A cu cha ah

THULÄÄN NAK 13:18

Tuhngawi kei naw ka ning pek gui ah ang thumkhän avan nami läk ah a kyak ung ani ah ang yak hlü cu nami bik ciah kyak ci.

2 SHONTÄP NAK 29:10

“Tuhbäi kei naw Israel Khanpughi Bawipa awn ng’thukhän bi vai ah ka k’bäi ci nei, cun ah kyasei ani cu mikmi ah khan ah kä m’lungshe ba khai nei.

EZRA 10:14

Kami bawi gui naw Jerusalem ung om ne shin ah mawng cu bi u sä. Akhohei chang chu nak ci phung cu k’bäi nak ah khin ung ami ng’vai gui la ami mang gaw suki gui awn atäng ah law u sä, Cu cha ah bi ung shin ah amawng ung Khanpughi ah m’lungshe nak cu ng’hlat khai nei” cik ci.

SAM 85:4

O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!

HOSEA 2:17

Kei naw ani cu Baala ah ng’thu kä ka pyen ba sak khai.

JONAH 1:15

Cun kawn ah Jonah cu chang ne tui ung yuk shum ci gui, a cun vai am khokhi ng’düm ci.