JOSHUA 7:25 - Cho Bible Common Language 2016

²⁵ Cun kawn ah Joshua naw, “A i ah kyasei shin ah khükha nak keimi ah khan ah na law püi ang? Tuhbäi Bawipa naw na khan ah khüikha nak law püi ci nei” cik ci. Chang avan naw Achan cu sik khai ah lung awn vawi ci gui. Akyong chang gui la a khawh gui cun phi lung awn vawi ne mei awn m’khih ci gui.

JOSHUA 7:25 Referans Kwoze

JOSHUA 6:18

Cun ung phi m’di vai phung cu api phi kä nami lak vai, nami lak ah a kyak ung khüikha nak la dishum nak cu Israel chang phung ung nami law püi ciah kyak khai.

1 SHONTÄP NAK 2:7

Akhan, Karmi ah hta, Zerah ah hta ng’shon ungka tumat ah kyak ci, ani naw ami guttep Khanpughi am ami ap ah hta khawh a thuh ah phäh ah Israel chang gui ah khan ah leigai law püi ciah kyak ci.

THULÄÄN NAK 17:5

Cun ah chang cu la ne gawnu ah hteh püi neta, lung awn vawi ne nami ngawn vai.

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

TAIGÜTHUM 20:2

Israel chang gui am, am thein gui vai ah pyen nak ci, “Nangmi ungka, kä cunung, nami ng’lung ah om tuk ciah a khaw hei chang tumat mat naw, a hta hmaw tumat mat cu Molek khanpughi khawihnah nak vai ah a pek ah a kyak ung, chang gui avan naw ani cu sik khai ah lung awn ami vawih vai.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

2 THESSALONIAN 1:6

Khanpughi naw düng nak cu bik khai; ning yaica sak gui ci cu, yaica nak pe gui khai.

KALATIAN 5:12

Nangmi ning cüngvawn sak gui ci gui cu, vun ah bäng ah kä kyasei, ami mät naw ami mät ah k’ci ami k’phyet ung phi bä khai nei.

JOSHUA 7:15

Kei naw ka tawk ah chang tumat cu phyuntam ah khaw awn a täng ah hmuh ah a kyak ung, ani cu a kyong chang gui la a khawh avan awn a täng ah mei awn m’khih vai. Cun cu anu naw Israel gui ah khan ah kyih vai ah lüng’a nak a law püi ah phäh la kei ah thukhän am shet ah phäh ah kyak ci.

THULÄÄN NAK 21:21

Cun kawn ah mang gaw ung om ciah chang gui naw lung awn vawi ne ami ngawn vai. Acun ah nangmi naw akshe cu nami nawt heng vai. Israel ung om ciah chang nü naw acun ah a kyak cu ng’ya u neta, kyik khai gui.

THULÄÄN NAK 13:10

Sik khai ah lung awn nami vawih vai, chang shäm ah nami kyak nak ah Egypt khaw ung ning gung gui ciah Bawipa nami Khanpughi ungka naw alam hei ung nami hteit khai ah ani naw ning m’shüm gui ci.

TAIGÜTHUM 21:9

Taigü ah hta hnumi a plet ah a kyak ung, apa m’thüi ciah kyak ci, ani cu m’khih ne ngawn vai.

TAIGÜTHUM 20:14

Pami tumat naw hnumi tumat la anu a chu nak goi ah a kyak ung ami van thum cu m’khih ne ngawn gui vai. Cun cu thüisei nak vai ami bi ah hmawk ah kyak ci, acun ah mäih cu nami ng’lung ah api ah phi kä bilawh vai.

ATÜNNAK 38:24

Cha thum vai lüng khäta, chang tumat naw, “Na hta ah chu Tama cu m’gaai ci nei” cine m’thein ci gui. Judah naw, “Ani cu la ne mei awn m’khih ne ngawn vä” cik ci.

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

1 SAMUEL 14:29

Jonathan naw, “Mi chang gui ah khan ah kapa naw, a i ah kyasei kyih aih vai cu abi ang! Khoitui ei ne a i hlawk ah ka cüngkhüi cu na teng vä!

THULÄÄN NAK 13:11

Cun ung Israel chang gui ami van naw a i, i ah kyak ciah hmat khai gui. Ngami cu kyik khai gui, A u naw phi cun ah mäih ah akshe cu a ngawi ah phi kä bi ba khai.

NG'THU K'THUUK~ 1:19

Gut tep ah khawh naw gut tep ci gui ah ghin nak cu m’dang ci. A cun naw gut tep cicu m’sih ci.

NG'THU K'THUUK~ 15:27

Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.