JOSHUA 7:20 - Cho Bible Common Language 2016

²⁰ Achan naw, “Cun cu hman ci nei, kei naw Israel Khanpughi hnungtuk püi ne katnak ka bik ci nei, shin cu kei naw ka bi nei.

JOSHUA 7:20 Referans Kwoze

SAM 38:18

Ka katnak gui cu ka ng’yu ba ci nei, cun gui naw cäi ng’ä nak awn na be sak ci.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

JOB 7:20

Chang teng ciah nang Thawng bawi, kei ah ka katnak naw ning nat sak ne ang? A i ah kyasei kei cu na bungkhäh nak ah na na mang ang? Nang ah khan ah gih aih ciah phuih ah ka kya ne ang?

1 SAMUEL 15:30

Saul naw, “Kei ka hma ci nei” ci ba ci. Cun ung phi ka chang gui ah ami ng’vai gui la Israel chang avan ah ma ah, chang m’sui nak bawta na m’dang pe ä. Kei awn a täng ah hteit tu ba ä, cun ung kei naw Bawipa na Khanpughi cu ka khawihna hlawt khai” cik ci.

1 SAMUEL 15:24

Saul naw, “Ä, kei ka hma ci nei. Kei naw Bawipa ah thumkhän la nang ah m’shümthein cu kä ka läk ci nei. Kei naw ka chang gui cu ka kyih gui ci, ngami naw ami ng’yak hlü bik ci gui.

KHEI NAK 22:34

Balaam naw m’shang ne, “Kei ka hma ci nei, nang naw kei na hnungtuk püi ne lam ung na düih cu kei naw kä ka hmat ci nei. Cun ung phi tuhbäi ka hteh cu nang naw hma ciah na ngaih ah a kyak ung kei ka im ah ka ng’hlat ba khai nei” cik ci.

PHYAWN NAK 10:16

Ghangpughang naw Moses la Aaron cu ang ghit ah khü goi neta, “Kei naw sheka ne Bawipa nami Khanpughi la nangmi cu ka ning hnungtuk püi gui ci nei.

ATÜNNAK 42:21

Ngami ami mät ng’thu u ne, “Mi nau mi hma nak ah hmawk ah tuhbäi mi khüikha ciah kyak ci, a geinvai nak mi hmu lang ne, mi m’htei vai ah na ng’paa na gui sei phi, mikmi naw kä mi ngaih pek ci, acun ah hmawk ah tuhbäi mi yaica ah kyak ci” cik ci gui.

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

JOSHUA 7:21

Mi pha ah khawh gui ungka, Babilonian suinu akiom ng’yung ät, ngui pit goi, ghui tawn apit ah vang cu ka hmuk ci. Kei naw cun gui cu ng’ya hlü aih neta ka lak ci nei. Ka phung ah akyong täng ah ka phuh cu nami hmuk khai nei, ngui cu ak um ung om khai nei.”

PHYAWN NAK 9:27

Ghangpughang naw Moses la Aaron ah chang tüi ne, “Tuhbäi kei cu ka hma ci nei, Bawipa cu hman ci nei, kei la ka chang gui cu kami cheishoh ci nei.

MATTHE 26:9

Shin ah tuing’ui cu ngui akda ah yoi netah, ghawipyam ci gui-am peit ung bä khai sü te nei,” cik ci gui.