JOSHUA 7:2 - Cho Bible Common Language 2016

² Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,

JOSHUA 7:2 Referans Kwoze

JOSHUA 18:12

Ami khogii cu a siiptäng ah Jordan ung tün ne, Jerikho asiip khaw pem ung hang kai ne, akhei täng khawgui khaw hei kan ne, Bethaven khong gau ung khüt ci.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

1 SAMUEL 14:23

Bethaven gawnu a hnu täng avan ung ng’tuk bäng ah kyak ci. Cun hnüüp ung Bawipa naw Israel gui hun gui ci.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

NG'THU K'THUUK~ 24:6

Cun kawn ah ng’tuk kä na bi pha ung geik na ne na pawng htei vai. M’cumcä nak akni na gah pi ung na näng vai ng’hteicha pi khai.

NG'THU K'THUUK~ 20:18

Nik ciah m’cumcäii nak cu na dou vai, cun ung na nang khai, kapawng htei ah ng’tuk bi nak ah ka na hteh vai.

ATÜNNAK 12:8

Cun kawn ah a htumtäng ungka naw, Bethlela mang gaw ah hni law lam khawgui ah ng’plon ba ne, hni kyak lam Bethlela la hni law lam Ai ah ng’lak ung phung tu ne om ci gui. A cun ung khawih kiang co ne Bawipa cu khawihnah ci gui.

EPHESIAN 5:15

Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

NEHEMIAH 11:31

Benjamin pakhui chang gui cu Keba, Michmash, Ai, Bethela a pei yung pigaw gui,

JOSHUA 12:9

Israel chang gui naw shin ah mang gaw gui ah ghangpughang gui cu hnim ci gui: Jerikho, Ai (Bethela ah pei),

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

ATÜNNAK 28:19

Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

JOSHUA 7:3

Joshua am m’thein law ba ci gui, “A i tuk vai ah chang päng a hteh vai kä hlü ci. Chang phya m’ku baw, phya thumkip baw tüih ung bä khai. Acu ah ng’tuk khai gui ah gakap avan kä na tüih vai, cun cu däm nu ciah mang gaw ah kä kyak ci” cik ci gui.

1 SAMUEL 30:27

Ani naw cun gui cu, Bethela ung chang gui, Judah a htum lam Ramah ung chang gui, Jattir gawnu gui ung chang gui,

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

1 GHANGPUGHANG GUI 12:29

Ani naw vantang-ghui gup tumat cu Bethela ung tha ne, a hei tumat cu Dan ung tha ci.

ISAIAH 10:28

Ga ah gakap gui naw Ai mang gaw cu tu ne khäm ci gui! Ngami naw Migron gawnu cu kan lawk ci gui! Ngami naw ami sho ei cu Michmash ung nawng shüt ci gui!