JOSHUA 7:19 - Cho Bible Common Language 2016

¹⁹ Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

JOSHUA 7:19 Referans Kwoze

1 SAMUEL 6:5

Nangmi naw shin ah ng’khe gui la k’pui gup gui cu nami pyan vai, cun gui naw nami khaw m’dishum ci gui, nang mi naw Israel Khanpughi am m’taam khah nak nami pek vai. Cun ung nangmi, nami khanpughi gui la nami khaw ah khan ah gawk khai ah gawk lawk ciah m’kyuk nak cu düm ei sak hman khai.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

JOHAN 9:24

Pharise gui naw, amik m’dauh te ciah chang cu khü ba mä u netah, “Khanpughi ah ma ah thukhän ne, düng nak awn na pyein vai, namik ning m’dei sak ba ciah chang cu katnak bik ciah kami hmat pyi ci” ci nak ci gui.

DANIEL 9:4

Bawipa ka Khanpughi ah taigü ne, ka chang gui ah katnak cu ka ng’yuu ba ci. Kei naw ka pyen ci, “Bawipa Khanpughi, nang cu na dämduh ci, keimi naw kami ning m’tamkhah ci. Nang cu na thukhän ung bekhüt ne, nang ning m’hni ci gui la nang ah thumkhän bik ci gui ah khan ah ng’täi ciah m’hni nak na m’dang ci.

2 SHONTÄP NAK 30:22

Levit gui naw Bawipa khawihnah nak cu akni ah ami bi ah phäh ah Hezekiah naw m’hlümtai gui ci. Ami pupa gui ah Khanpughi Bawipa m’hlümtai nak ah khawihnah nak douthak nak a hnüüp chih kawn ah,

1 SAMUEL 14:43

Cun kawn ah Saul naw Jonathan am, “A i ang na bi” cik ci. Jonathan naw, “Htungka kawh cawn tawk ne, khoitui api hta ka ei ci nei. Shin ung kei ka si ge khai ah ka om ci nei” cik ci.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

SAM 32:5

Na ma ah ka katnak gui cu ka ng’yu ci nei; ka cheishoh nak cu kä ka m’zih ci nei. Katnak ka ng’yu khai ah ka k’bäi kawn ah ka cheishoh nak avan na na m’geinsei ci nei.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

JAMES 1:20

Chang ah m’lung she nak naw, Khanpughi ah düng nak kä m’düng thei ci.

TITUS 2:2

Pami ng’vai ba gui cu ami lunglang vai, ami küikaa vai, ami htingling vai la bä ciah yum nak, m’hni nak la khüighaat nak ami kümbe vai ah nam cäi gui vai nei.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

ROMAN 10:10

Mi yum ak awn Khanpughi ung ng’düng nak mi gah ne, mi ng’kyaa nak awn hun nak mi gah ci.

LUKA 17:18

Khanpughi m’hlüngtai khai ah shin ah chang khui hei ah kawn ah a u kä om ba ne ma?” cine ng’shi gui ci.

ISAIAH 13:12

K’pawih ci gui cu ghui ah ta ng’geing pi khai gui.

SAM 51:3

Ka shetkat nak gui cu ng’coi ng’pa ne, ka cheishoh nak gui cu ka ngaih-tüh yai ci nei,

JOSHUA 7:20

Achan naw, “Cun cu hman ci nei, kei naw Israel Khanpughi hnungtuk püi ne katnak ka bik ci nei, shin cu kei naw ka bi nei.

2 GHANGPUGHANG GUI 20:15

“Mang im kyong ah i ang ami hmuh?” A päng päng hmuk ci gui. Khei gui ah kyong ung kei naw kä ka m’hnuh gui a i kä om ci.