JOSHUA 7:15 - Cho Bible Common Language 2016

¹⁵ Kei naw ka tawk ah chang tumat cu phyuntam ah khaw awn a täng ah hmuh ah a kyak ung, ani cu a kyong chang gui la a khawh avan awn a täng ah mei awn m’khih vai. Cun cu anu naw Israel gui ah khan ah kyih vai ah lüng’a nak a law püi ah phäh la kei ah thukhän am shet ah phäh ah kyak ci.

JOSHUA 7:15 Referans Kwoze

ATÜNNAK 34:7

Cun yah ung Jakob ah hta gui phi bung ah kaa law ba ci gui. Shekhem naw ami bee pyei ne, Israel pakhui a yawshe nak gui cu hmat law u neta ang htei ah thüi ne m’lungshe ci gui.

SUKI GUI 20:6

Ani ah pum cu la ban eta, at ne bou ne, Israel pakhui gha lei goi ung khui ät ung m’ta ät ci ka ning m’khäh gui nei. Shin ah chang gui naw mi ng’lung ah akshe bi ne cheishoh u ne, pletdeng ci gui nei.

2 SAMUEL 13:13

A i hawkcha kei naw chang ah ng’lung ah ka lu ka m’dang tuba khai aw? Nang — nang cu Israel gui ah ng’lung ah ka thüi ng’a khai nei. Na bä ni, ghangpughang ah ma ah pyen ä, ani naw kei cu nang am ning pek khai nei” cik ci.

1 SAMUEL 26:21

Saul naw, “David, ka hta, kei ka hma ci nei, law ba ä! Kei naw kä ka ning hnim ba khai nei, a i ah kyasei ci ung tuh mü nang naw ka hnun na na k’phawn ci. Kei cu ka gu ang ci! Kei naw kyihkyawk vai ka bik ci!” cik ci.

JOSHUA 7:11

Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

JOSHUA 7:16

A ngawi ung khaw ngawi hta Joshua naw, Israel gui cu pakhui ät täi ah law püi gui ci, cun ung Judah pakhui cu tawk lawk ci.

SUKI GUI 20:5

Kibeah chang gui law ne na tu u ne, mü ah im cu koi ci gui. Ngami naw na ngawn khai gui ah k’tha nak ci gui, cun nak vai sü ung ka chuba cu k’pyei ne tah u sei, ani cu sik ci.

SUKI GUI 20:10

Israel chang bumgha bum ät naw ei vai phui khai, cun kawn ungka naw Kibeah cu am kyut vai, cun cu Israel khaw ung pletdeng ne katnak ami bi ah phäh ah kyak ci” cik ci gui.