JOSHUA 7:13 - Cho Bible Common Language 2016

¹³ Tho lawä! Chang gui theingthap sak gui ä! Ka ma ah ami law vai ah pawng sak gui ge ä! Ngawi ung ami pawng ge vai ah na m’thein gui vai, a i ah kyasei ci ung Kei, Bawipa Israel Khanpughi naw shin ah ka pyen ci; ‘Israel gui, kei naw m’di vai ah ka thukbäi ah khawh amshah nangmi ung om ci! Acun ah khawh ungka kä nami phyawn pha ah chuih nami ga näng ne kä nami ng’düi hlawt khai!’

JOSHUA 7:13 Referans Kwoze

JOSHUA 3:5

Joshua naw chang gui am, “Nami theingthap vai nei, a i ah kyasei ci ung ngawi ung Bawipa naw nami ng’lung ah cäi aih vai cu bi lawk khai nei.”

MATTHE 7:5

Nang thuvichang, na mät ah mik ungka mik eek cu, na ghu ma vai; cun ung vah na phäi nau ah mik ungka ng’voihta cu ang htei ah hmuh ne na ghu pe hlawt khai.

JOSHUA 7:11

Israel gui hmakak ci gui nei! Kei awn ami yum ghawm ah, ami k’pan vai ah kei ah thukbäi cu plawh pyi ci gui nei. M “dimshum vai ah phyuntam ah khawh amshah cu lak ci gui nei. Ngami cu m’gu u ne, acun ah mawng ung hleei u neta ami mät ah khawh ah tha ci gui nei.

JOSHUA 6:18

Cun ung phi m’di vai phung cu api phi kä nami lak vai, nami lak ah a kyak ung khüikha nak la dishum nak cu Israel chang phung ung nami law püi ciah kyak khai.

2 SHONTÄP NAK 28:10

Tuhbäi nangmi naw Jerusalem la Judah ung pami hnumi gui cu changshäm ah nami pyang gui ci. Nangmi naw phi Bawipa nami Khanpughi hnungtuk pui ne katnak nami bi cu kä nami hmat ne ma?

ATÜNNAK 34:27

Cun kawn ah Jakob ah hta gui cu ami bee ami m’thüi ah phäh ah phu tuk khai gui ah law ba mä ci gui.

THULÄÄN NAK 13:6

“Na phäi nau, na hta pami, na hta hnumi, na m’hni ah nak chu, kä cung na teihpü ni naw nang la nami pupa gui naw phi kä ami khawihnah man ah a hei khanpughi cu nami khawihnah tu vai ah ning tüihtok gui hngaw khai.